IslamChoice Pinoy - TAWHIID

SHIRK (Pagtatambal sa Allah)

2020-08-24T08:53:08+00:00

ANG KAHULUGAN NITO:

ANG SHIRK AY ANG PAGTATAKDA NG KATAMBAL SA ALLAH SA KANYANG PAGKAPANGINOON AT PAGKADIYOS. DATAPUWA’T ANG KADALASAN NA NANGYAYARE AY ANG PAGTATAMBAL SA KANYANG PAGKADIYOS, KATULAD NG PANALANGIN SA IBA PA SA KANYA O ANG PAGBALING DOON NG ANUMANG URI NG PAGSAMBA TULAD NG PAG-AALAY NG HAYOP, PANATA, PANGAMBA, PANG-AASAR AT PAGMAMAHAL.

ANG SHIRK ANG PINAKAMABIGAT SA MGA KASALANAN AT IYON AY SANHI NG MGA SUMUSUNOD NA KADAHILANAN.

1. SAPAGKA’T ANG SHIRK AY PAGWAWANGIS SA NILIKHA SA TAGAPAGLIKHA SA MGA KATANGIANG KAUGNAY SA PAGKADIYOS. KAYA NAMAN ANG SINUMANG MAGTAMBAL NG ISA MAN SA ALLAH AY INIWANGIS NA NIYA ITO SA ALLAH. AT ITO ANG PINAKAMABIGAT NA KAWALANG KATARUNGAN.

SINABI NG ALLAH: {KATOTOHANAN, ANG PAGTATAMBAL (NG IBA PA SA PAGSAMBA SA ALLAH) AY TUNAY NGANG ISANG MALAKING KAWALANG KATARUNGAN}. (Qur'an 31:13)

ANG IBIG SABIHIN NG KAWALANG KATARUNGAN AY ANG PAGLALAGAY SA ISANG BAGAY SA HINDI NITO DAPAT KALAGYAN, KAYA ANG SINUMANG SUMAMBA SA IBA PA SA ALLAH AY KANYA NANG INILAGAY ANG PAGSAMBA SA HINDI NITO DAPAT KALAGYAN. AT KANYANG IBINALING ITO SA ISANG HINDI KARAPAT-DAPAT PARA DITO, AT IYON ANG PINAKAMABIGAT NA KAWALANG KATARUNGAN.

2. IPINABATID NG ALLAH NA HINDI NIYA PATATAWARIN ANG SINUMANG HINDI PINAGSISIHAN ANG SALANG ITO . SINABI NG ALLAH: {KATOTOHANANG HINDI PATATAWARIN NG ALLAH ANG SALANG PAGTATAMBAL SA KANYA, SUBALI’T KANYANG PATATAWARIN ANG ANUMANG KASALANANG IBA PA ROON SA KUNG SINO ANG KANYANG NAISIN}. (Qur'an 4:48)

3. IPINABABATID NG ALLAH NA KANYANG IPAGKAKAIT ANG PARAISO SA ISANG MUSHRIK (MAPAGTAMBAL) AT SIYA’Y MAMALAGI MAGPAKAILANMAN SA LUMALAGABLAB NA APOY NG IMPIYERNO. SINABI NG ALLAH: {TUNAY NA ANG SINUMANG MAGTAMBAL SA ALLAH AY IPAGKAKAIT SA KANYA NG ALLAH ANG PARAISO AT ANG KANYANG MAGIGING HANTUNGAN AY ANG APOY. AT SA
KANILA NA MAPAGGAWA NG KAMALIAN AY WALANG MAKAKATULONG NA SINUMAN}. (Qur'an 5:72)

4. ANG SHIRK AY NAGPAPAWALANG SAYSAY SA LAHAT NG MGA MABUBUTING GAWA. SINABI NG ALLAH: ُ{YAON AY KAPATNUBAYAN NG ALLAH, KANYANG PINAPATNUBAYAN ANG SINUMANG KANYANG NAISIN MULA SA KANYANG MGA ALIPIN. AT KUNG SILA’Y GUMAWA NG PAGTATAMBAL SA ALLAH, ANG KANILANG MGA GINAWA AY MAPAPAWALAN NG SAYSAY}. (Qur'an 6:88)

5. ANG DUGO AT ARI-ARIAN NG ISANG MUSHRIK AY IPINAPAHINTULOT KAMKAMIN. SINABI NG ALLAH:
{KAYA’T PUKSAIN NINYO ANG MGA MUSHRIK KAHIT SAAN MAN NINYO SILA MATAGPUAN. INYONG BIHAGIN SILA AT PALIBUTAN SA KANILANG PINAGKUKUTAHAN, AT TAMBANGAN NINYO SILA SA LAHAT NG LUGAR NA KANILANG DINADAANAN}. (Qur'an 9: 5)

SINABI NG PROPETA (saw): [NAPAG-UTUSAN AKONG PUKSAIN ANG SANGKATAUHAN HANGGANG SA SILA AY MAGSASABI: NA WALANG DIYOS NA DAPAT SAMBAHIN MALIBAN SA ALLAH, AT KAPAG SINABI NILA ITO, MAKAKALIBRE SA AKIN ANG KANILANG DUGO AT ARI-ARIAN MALIBAN LAMANG SA MGA KARAPATAN NG ISLAM, SA GAYON ANG PAGTUTUOS NILA AY NASA ALLAH]. (ISINALAYSAY NI AL-BUKHARI AT MUSLIM)

6. ANG SHIRK ANG PINAKAMALAKI SA MGA KASALANAN.
SINABI NG PROPETA (saw): [IBIG BA NINYONG IPABATID KO SA INYO ANG PINAKAMALAKI SA MGA KASALANAN? KAMI AY NAGSABI: OPO! O SUGO NG ALLAH. SINABI NIYA: ANG PAGTATAMBAL SA ALLAH AT ANG PANG-AABUSO SA DALAWANG MAGULANG]. (ISINALAYSAY NI AL-BUKHARI AT MUSLIM)

KAYA ANG SHIRK ANG PINAKAMABIGAT NA KAWALANG KATARUNGAN, SAMANTALANG ANG TAWHEED NAMAN ANG PINAKAMATUWID NA KATARUNGAN, YAYAMANG ANG SHIRK ANG PINAKAMATINDING KASALUNGAT NG KATARUNGAN, ITO ANG PINAKAMALAKI SA MGA MALALAKING KASALANAN. HANGGANG SA KANYANG SABIHIN: YAYAMANG ANG SHIRK AY TUMATALIWAS MISMO SA TAWHEED AY WALANG PAGSALANG ITO ANG PINAKAMALAKI SA MGA MALALAKING KASALANAN AT IPINAGKAKAIT NG ALLAH ANG PARAISO SA BAWA’T MUSHRIK. AT
IPINAHIHINTULOT NA PADADANAKIN ANG KANYANG DUGO AT KAMKAMIN ANG ARIARIAN AT PAMELYA NITO SA MGA TAONG NANINIWALA SA TAWHEED (KAISAHAN NG ALLAH SA KANYANG PAGKADIYOS). AT PUWEDE NILANG GAWING MGA ALILA ANG MGA ITO PARA SA KANILA SA DAHILANG ITINATANGGI NILA SA KANILANG SARILI ANG PAGIGING ALIPIN NILA SA ALLAH. KAYA ITATANGGI DIN NG ALLAH ANG PAGTANGGAP SA ANUMANG MABUTING GAWAIN NG ISANG MUSHRIK. O TANGGAPIN KAYA ANG SINUMANG MAMAMAGITAN PARA SA KANYA, O DINGGIN KAYA SA KABILANG BUHAY ANG ANUMANG KAHILINGAN NITO, O TANGGAPIN KAYA DOON ANG ANUMANG MINIMITHI NITO. TUNAY NA ANG MUSHRIK ANG PINAKAMANGMANG SA LAHAT NG MGA MANGMANG SA KAISAHAN NG ALLAH SAPAGKA’T NAGTALAGA SIYA SA ALLAH NG ISANG KAPANTAY, AT IYON ANG SUKDULANG KAMANGMANGAN KUNG PAANONG IYON DIN ANG SUKDULANG KAWALANG KATARUNGAN SA KANYA. KUNG TUTUUSIN AY HINDI SIYA NAKAGAWA NG KAWALANG KATARUNGAN SA KANYANG PANGINOON, BAGKUS SIYA’Y NAKAGAWA NG KAWALANG KATARUNGAN SA KANYANG SARILI.

7. ANG SHIRK AY ISANG KAKULANGAN AT KAPINTASAN NA SIYANG IKINAKAILA NG PANGINOON NA ANG MGA ITO’Y TATAGLAYIN NG KANYANG SARILI, KAYA ANG SINUMANG MAGTAMBAL SA ALLAH AY KANYANG PINATUTUNAYAN NA ANG MGA ITO AY ANGKOP SA ALLAH NA SIYA NAMANG IKINAKAILA NG KANYANG SARILI. ITO ANG SUKDULANG PAGSALUNGAT SA ALLAH AT SUKDULANG PAGMAMATIGAS AT PAGSASALANGSANG SA ALLAH.

ANG PANINIWALA SA MGA ANGHEL

2020-08-20T17:02:42+00:00

Ang paniniwala sa mga Anghel ay ang wagas na paniniwala na ang Allah ay may mga Anghel at Kanyang nilikha sila mula sa liwanag at inatasan silang lahat ng gawain na dapat nilang gampanan at binigyan sila ng ganap na kapangyarihan at kakayahan para sumunod sa Kanyang ipinag-uutos at isakatuparan ito. Sila ay nasa isang daigdig na lingid, mga nilalang, sumasamba sa Allah, wala silang taglay na anumang mga katangian ng pagka-panginoon at pagka-diyos.

Ang Allah ay nagsabi sa Quran:

{At pagmamay-ari Niya ang sinumang nasa mga kalangitan at sa kalupaan. At ang sinumang (mga Anghel) naroroon sa Kanya ay hindi nagmamalaki sa pagsamba sa Kanya, at hindi naiinip o napapagod, sila ay nagpupuri sa gabi’t araw, ni hindi sila nanghihina (sa kanilang ginagawa)}. [Qur’an 21:19-20]

Sadyang napakarami ng bilang nila, walang nakakaalam nito maliban sa Allah, at tunay na napagtanto sa Sahihain (Al-Bukhari at Muslim) batay sa Hadith na naiulat ni Anas (Sumakanya nawa ang kaluguran ng Allah) tungkol sa kuwentong “Al mi`raj”, na sa oras na yaon ay ipinagbigay alam sa Propeta (saw) ang tungkol sa Al-Baytul Ma’moor na nasa langit, na sa bawat araw ay nagsasalah doon ang pitumpong libo na mga Anghel, na kapag sila’y lumabas mula roon , hindi na sila bumabalik.

Ang Paniniwala sa Mga Anghel ay Binubuo ng Apat na Sangkap:

1. Ang paniniwala sa pagkaroon nila.

2. Ang paniniwala sa sinumang nalaman natin ang kanyang pangalan sa kanila: katulad ni Jibril atbp., at sa kanila naman na hindi natin nalaman ang kanilang pangalan, atin pa rin silang paniwalaan sa pangkalahatang pananaw.

3. Ang paniniwala sa anumang nalaman natin sa kanilang mga kaanyuhan: tulad ng anyo ni Jibril, tunay na ipinahayag ng Propeta (saw) na kanya itong nakita sa tunay na anyo ng pagkakalikha sa kanya, at mayroon siyang anim na daan na pakpak, na halos natabingan nito ang buong himpapawid. Kung minsan ay nagpapalit ng anyo ang anghel sa kapahintulutan ng Allah sa anyong lalaki, katulad ng nangyari kay Jibril nang ipadala siya ng Allah para pumunta kay Maryam at siya ay nagsa-anyo sa harap niya ng isang ganap na tao, at gayon din nang dumating siya sa Propeta (saw), habang siya ay nakaupo kasama ng kanyang mga kasamahan, siya ay nagsa-anyo ng isang lalaki. (Isinalaysay ni Muslim) At gayon din naman ang mga anghel na ipinadala ng Allah kay Ibrahim at Lut, sila’y nagsaanyong mga lalaki.

4. Ang paniniwala sa anumang nalaman natin sa kanilang mga gawain, na isinasakatuparan nila ayon sa pag-uutos ng Allah, katulad halimbawa ng pagluwalhati sa Kanya, at pagsamba sa Kanya sa gabi’t araw nang walang pagyayamot, ni panghihina dulot ng Maaaring ang iba sa kanila ay may partikular na mga gawain, katulad halimbawa ni Jibril, siya ang pinagkatiwalaan sa Kapahayagan ng Allah, sa kanya ipinapadala ito para sa mga Propeta at Sugo, at si Mikail naman, ang naatasan sa ulan at mga pananim, at si Israfil ang naatasan sa pag-ihip ng tambuli, kung kailan dumating ang takdang oras ng paghuhukom at pagbangonmuli ng nilalang, at si Malakal Maut ang inatasan sa paghugot ng mga kaluluwa sa takdang oras ng kamatayan, at si Malik ang inatasan sa Impiyerno, at siya ang tagapagbantay sa Apoy ng Impiyerno.

At tulad ng iba pang mga Anghel na inatasang namamahala sa mga batang nasa mga sinapupunan, na kapag sinapit ng tao ang apat na buwan sa loob ng tiyan ng kanyang ina, magpapadala ang Allah ng anghel sa kanya, at Kanyang ipag-uutos dito na isulat ang panustus nito, ang takda ng buhay nito, ang gawain nito, at kung ito ay magiging masama o mabuting tao, gayundin ang mga anghel na inatasan sa pangangalaga ng mga inapo ni Adam, at ang mga anghel na inatasang namamahala sa mga gawain ng inapo ni Adam, at ang pagsulat dito sa bawat tao sa pamamagitan ng dalawang anghel, ang isa sa kanila ay nasa bandang kanan at ang ikalawa ay nasa kaliwa, at ang mga Anghel na inatasan sa pagtatanong sa patay, na kapag nailagay na ito sa kanyang libingan, darating sa kanya ang dalawang anghel na sila, Munkar at Nakir na magtatanong sa kanya tungkol sa kanyang Panginoon, sa kanyang relihiyon at propeta.

Ang Paniniwala sa Mga Anghel ay Nagdudulot ng Magagandang Aral:

Ang ilan sa mga ito ay ang mga sumusunod:

1. Ang kaalaman sa kadakilaan ng Allah, sa kanyang lakas at kapangyarihan, sapagkat ang pagkadakila ng mga nilalang ay nagtuturo sa kadakilaan ng Tagapaglikha.

2. Ang pagpapasalamat sa Allah sa pangangalaga Niya sa mga inapo ni Adam,dahil ang iba sa mga anghel na iyon ay itinalaga para pangalagaan sila, at isulat ang kanilang mga gawain at iba pa roon, para sa kanilang kapakanan.

3. Ang pagmamahal sa mga anghel sa mga ginagampanan nilang mga tungkuling pagsamba sa Allah. Datapuwa’t tumanggi ang ilan sa lipon ng mga Zaigun (mga naliligaw ng landas) sa pagkakaroon ng mga anghel na may mga sariling katawan, at ang sinasabi nila: Sila’y kathang isip lamang na sumasangguni sa mga mabubuting gawain ng mga nilalang. Ito ay isang pagpapasinungaling sa Aklat ng Allah at sa Sunnah ng Kanyang Sugo (saw) at sa napagka-isahan ng mga Muslim.

Ang Allah ay nagsabi:

{Ang lahat ng papuri at pasasalamat ay sa Allah (lamang), ang Tagapaglikha ng mga kalangitan at kalupaan, ang Nagtakda sa mga anghel bilang mga sugo, na may kanya-kanyang mga pakpak, dalawa, tatlo o apat}. [Qur’an 35:1]

Ayon sa Sahih Al-Bukhari, na iniulat ni Abu Hurairah (Sumakanya nawa ang kaluguran ng Allah): “Ang Propeta (saw) ay nagsabi: [Kapag nagustuhan ng Allah ang isang lingkod, Kanyang tinatawag si Jibril at sinasabi sa kanya: {Katotohanan, ang Allah ay nagagalak kay ginoo kaya dapat mo siyang kagalakan, kaya kanyang kagalakan ito}. Pagkatapos ay mananawagan Siya sa mga naroroon sa kalangitan: {Katotohanan, ang Allah ay nagagalak kay ginoo, kaya’t dapat ninyong kagalakan siya, at kanilang kagalakan ito}. Pagkatapos ay iparating sa kalupaan ang kanyang tagumpay]”.

At kanya pang iniulat, ang Propeta (saw) ay nagsabi: “[Kapag araw ng Biyernes, ang bawat pintuan ng Masjid ay may mga anghel na isinusulat ang bawat pumapasok nang magkasunodsunod, at kapag nakaupo na ang Imam, sila ay makikihanay na rin, at makikinig ng talumpati]”.

Ang mga talata na ito ay maliwanag na nagpapatotoo na ang mga anghel ay may sariling katawan, at hindi kathang isip lamang, gaya ng sinasabi ng mga taong nawawala sa tamang landas, sa pamamagitan ng patunay at pahayag ng mga talatang ito, ang mga Muslim ay nagkaisa tungkol dito.

ANG JINN (Engkanto)

2020-08-20T08:21:51+00:00

Ang mga Jinn ay may sariling daigdig na lingid, sila’y nilikha mula sa apoy, at sila’y naunang nilikha kaysa sa paglikha sa tao.

Gaya ng sinabi ng Allah: "At sa katunayan, Aming nilikha ang Tao (Adam) mula sa alabok na yari mula sa maitim na lupa na nagpapalit-palit ang kulay o amoy (nito), at ang Jinn (Iblis), Amin siyang nilikha na nauna (kay Adam) mula sa apoy na napakainit at walang usok". [Qur'an 15:26-27]

Sila’y inu-obliga sa mga kautusang tinatanggap nila mula sa Allah, at sa mga ipinagbabawal nito, kaya’t mayroon sa kanila ang sumasampalataya at mayroon ding hindi sumasampalataya, mayroong sumusunod at mayroon ding sumusuway. "At katotohanan, ang iba sa amin ay mabubuti at ang iba ay bukod doon (palatutol), kami ay mga pangkat na magkakaiba (ang sekta ng paniniwala)}". [Qur'an 72:11]

Ang ibig sabihin dito na pangkat na magkakaiba: ay ang bawat pangkat ay may kanya-kanyang sinusunod, katulad din ng nangyayari sa tao, kaya ang hindi sumasampalataya sa kanila ay papasok ng Impiyerno. Ito’y pinagka-isahan ng mga muslim, at ang sumasampalataya sa kanila ay papasok ng Paraiso, katulad din ng tao.

Ang Allah ay nagsabi: "At ang sinumang may takot sa pakikipagharap sa kanyang Panginoon ay magkakaroon siya ng dalawang Hardin. Kaya’t alin pa sa mga ibinibigay ng inyong Panginoon ang inyong pinabubulaanan". [Qur'an 55:46-47]

Ang paniniil ay ipinagbabawal sa pagitan nila (jinn), gayundin sa pagitan ng mga tao.

Ang Allah ay nagsabi sa Hadih Qudsi: {O Aking mga alipin! Katotohanan, Aking ipinagbabawal sa Aking sarili ang paniniil , at Aking ginawang ipinagbabawal din ito sa pagitan ninyo. Kaya’t huwag kayong maniil sa isa’t isa}. Isinalaysay ni Muslim Gayunpaman, minsan ay kanilang inaabuso ang tao, tulad din minsan ng pag-aabuso ng tao sa kanila, ang ilang uri ng pag-aabuso ng tao sa kanila ay ang gawing panlinis ang buto ng hayop o ang dumi nito.

Ayon sa Sahih Muslim, naiulat ni ibn Mas`uod (Sumakanya nawa ang kaluguran ng Allah): “Nang ang mga Jinn ay humingi sa Propeta (saw) ng pagkain. Ang sinabi ng Propeta (saw): [Sasainyo ang bawat buto na nabanggit dito ang ngalan ng Allah, na sa mga sandaling mapapasakamay na ninyo ito, ang laman nito ay manunumbalik sa dati, gayundin naman na ang bawat dumi ng mga hayop ninyo ay pagkain ng mga hayop nila]”.

At sinabi pa niya (saw): [Huwag ninyong gawing panlinis ang buto ng hayop o ang dumi nito, sapagka’t pagkain ito ng mga kapatid ninyong (mga jinn)].

Ang ilang uri ng pang-aabuso ng Jinn sa tao.

1. Kanilang sinasakop ang tao sa pamamagitan ng pag-uudyok at panggugulo ng kanilang kalooban.

2. Kanilang tinatakot ang tao nang sa gayo'y mananatili sa kanilang puso ang takot, lalung-lalo na kung ang tao ay nakikipag-ugnayan sa kanila.

Sinabi ng Allah: "At katotohanang may mga lalaking tao na nagpapakupkop sa mga lalaking Jinn, kaya't mas lalo silang naililigaw ng mga ito". [Qur'an 72:06]

Ang Jinn ay nakikipagbuno sa tao, at kung minsan ay nagagapi nito ang tao.

Ang pakikipagbuno ay may dalawang uri:

1. Ang pakikipagbuno sa Jinn.

2. Ang pakikipagbuno sa karamdaman ng katawan.

ANG PANINIWALA SA ALLAH

2020-08-20T07:55:50+00:00

Ang paniniwala sa Allah ay ang wagas na pananalig at paniniwala sa pagka-panginoon ng Allah, ang tanging namamahala, nagmamay-ari at lumikha sa lahat ng bagay. Kaya Siya lamang ang karapat-dapat pag-ukulan ng lahat ng uri ng pagsamba, at ang may ganap na Katangian. Luwalhatiin Siya sa lahat ng kakulangan at kapintasan na iniaanib sa Kanya, kaya’t dapat lang na mapanatili ito at maging tapat sa pagsagawa nito.

Ang paniniwala sa Allah ay binubuo ng apat na sangkap:

Una- Ang paniniwala sa pagkakaroon ng Allah: Ang pagkakaroon ng Allah ay napapatunayan sa mga sumusunod na babanggitin:

1- Sa Fitrah (Kalikasan): Sa katunayan, ang bawa’t nilalang ay nilikha na may angking Fitrah (kalikasang pagkilala at paniniwala sa Tagapaglikha), ni hindi na kailangang pairalin pa ang isipan dito o bigyan ng masusing pag-aaral. Bagkus ito’y hindi kusa na lamang nawawala at naibabaling sa iba, maliban kung may panibagong nagaganap sa kanyang kalooban, at ito ang nagiging dahilan ng kanyang paglihis mula rito. Sapagka’t ang Propeta (saw) ay nagsabi: "Ang lahat ng sanggol ay ipinanganganak sa Fitrah (Islam), Samakatuwid ang kanyang dalawang magulang ang nagtatakda ng kanyang pagiging Hudyo, Kristiyano at Pagano)". [Isinalaysay ni Al-Bukhari]

2- Sa Kaisipan: Ang lahat ng nilikhang ito, ang mga nauna at ang sumusunod pa rito, dapat lamang na may lumikha at gumawa nito, ni hindi maaaring magkaroon ang isang may buhay, na siya mismo ang lumikha sa kanyang sarili, at ito’y hindi rin maaari na bigla na lamang sumulpot. Ang mga ito ay hindi nilikha nang walang pinagmulan, at hindi rin sila ang lumikha sa kanilang mga sarili.

Ito ay pinatutunayan ng Quran, ang Allah ay nagsabi: "Sila ba ay nilikha mula sa kawalan, o sila ba ang tagapaglikha (ng kanilang sarili)?". [Qur'an 52:35]

3- Sa Batas: At ng dahil sa ang lahat ng kasulatang pangkalangitan ay nagsasabi nito, at sa mga naihatid nito (mula sa mga wastong pananalig na naglilinis ng kalooban) at sa mga matuwid na alituntunin nito na sumasaklaw sa lahat ng ikabubuti ng nilalang. Ito’y nagpapatunay lamang na ang lahat ng mga ito ay nagmula sa nag-iisang Panginoon, na ganap sa paggawa at ang tanging nakakaalam sa ikabubuti ng Kanyang mga nilikha, at gayon din sa mga naihatid nito tungkol sa mga pangkalawakang balita na siya namang napatunayan sa kasalukuyang panahon, na ang lahat ng ito ay pawang katotohanan. Ito’y nagpapatunay lamang na nag-iisang Panginoong makapangyarihan ang tanging may kakayahang lumikha sa lahat ng Kanyang tinuran at ginusto.

4- At sa Pakiramdam: Ito ay may dalawang bahagi: 1- Katotohanan, tayong lahat ay nakakarinig at nakakasaksi sa mga katuparan ng kahilingan ng taong humihiling, at ng mga taong humihiling para sa ikagagaan ng kanilang paghihirap. Samakatuwid, ito’y isang patunay nang walang pag-aalinlangan sa pagkaroon ng Allah, at ito’y pinatunayan na ng Qur’an at ng Sunnah.

Gaya ng nakasaad sa Banal na Qur’an: "At si Nuh, tandaan nang siya ay manawagan noon, at siya ay Aming tinugunan...". [Qur'an 21: 76]

At sa Sunnah, ito ay patungkol sa kuwento ng isang arabo, nang siya ay pumasok sa Masjid sa araw ng Biyernes, at kanyang hiniling sa Sugo ng Allah (saw) na humiling ito sa Allah ng ulan para sa kanila.

2- Ang mga tanda ng mga Propeta na tinatawag na Mu`jizat (kapangyarihan), ito ay tunay na nasaksihan na ng mga tao o narinig nila. Ito’y patunay lamang sa pagkaroon ng nagsugo sa kanila, na walang iba kundi ang Allah, sapagka’t ang lahat ng mga ito ay mga bagay na humihigit sa kakayahan ng tao, kaya ito ay mga himala mula sa Allah upang maging katibayan at gabay ng Kayang Sugo sa kanyang pagka-propeta, bagkus ito’y nakakatulong sa kanila.

Ang mga halimbawa nito: Si Musa (Moises), kanyang hinampas ang dagat, ito ay nahati at nagmistulang daanan. Si `Isa (Hesus), bumubuhay ng patay (sa kapahintulutan ng Allah). Si Muhammad (saw), itinuro niya ang buwan, at ito ay nahati ng dalawang bahagi.

Pangalawa- Ang paniniwala sa Kanyang pamamahala: Ang ibig sabihin nito: Siya lamang ang kaisa-isang Panginoon na namamahala, wala Siyang katambal at wala Siyang kasama na tumutulong sa Kanya (Tawheed ArRubuobiyyah).

Ang ibig sabihin ng Rab ay ang nagmamay-ari ng mga nilalang, kaharian at ng lahat ng bagay.

Ang Allah ay nagsabi: "Katiyakang pagmamay-ari Niya ang lahat ng nilalang at ang pag-uutos...". [Qur'an 7:54]

Pangatlo- Ang paniniwala sa Kanyang pagka-Diyos: Ang ibig sabihin nito: Siya lamang ang kaisa-isang tunay na Diyos na karapat-dapat pag-ukulan ng lahat ng uri ng pagsamba, wala Siyang katambal (Tawheed AlUloohiyyah), at ang ibig sabihin ng “ilaah” ay ang tanging pag-uukulan ng pagmamahal at pagsamba.

Sinabi ng Allah: "At ang inyong Panginoon ay iisa, walang tunay na Diyos maliban sa Kanya, ang Mapagpala, ang Mahabagin". [Qur'an 2:163]

Pang-apat- Ang paniniwala sa Kanyang mga Pangalan at Katangian: Ang ibig sabihin nito: Ang pagpapatunay sa mga pinatutunayan ng Allah sa Kanyang Sarili sa Qur’an, o sa Sunnah ng Kanyang Sugo (saw) tungkol sa mga pangalan at katangiang naaangkop lamang sa Kanya, ng walang pagpapalit ng kahulugan, walang pagtatanggi ng kahulugan, walang paglalarawan ng kahulugan, at walang paghahalintulad.

Sinabi ng Allah sa Banal na Qur’an: "At taglay ng Allah ang naggagandahang mga pangalan, kaya’t manalangin kayo sa Kanya sa pamamagitan ng mga ito". [Qur'an 7:180]

At sinabi pa Niya: "Sa Kanya ay walang katulad na anupaman, at Siya ay ang Nakaririnig, ang Nakakakita". [Qur'an 42:11]

Ang Paniniwala sa Allah ay Nagdudulot ng Magagandang Aral:

Ang ilan sa mga halimbawa nito ay ang mga sumusunod:

1- Napapatunayan dito ang Kaisahan ng Allah, dahil sa Kanya lamang naiuukol ang pagmamahal at takot, at naitatakwil ang lahat ng diyus-diyosan maliban sa Kanya.

2- Nagiging ganap ang pag-uukol ng pagmamahal at pag-samba sa Kanya, sa pamamagitan ng Kanyang magagandang Pangalan at matataas na Katangian.

3- Ang pagpapatunay sa pagsamba sa Kanya lamang, sa pamamagitan ng pagsasagawa ng Kanyang mga ipinag-uutos, at pag-iwas sa Kanyang mga ipinagbabawal.

4- Ang kaligayahan dito sa mundo at sa kabilang buhay

CONCERNING THE JAMAA'ATUT-TABLEEGH IN SAUDI ARABIA

2019-10-02T08:57:41+00:00

SHAIKH HAMMAADS EARLY WARNING AGAINST THE DEVIANT CALL OF THE SUROORIS

2019-09-30T09:35:51+00:00

SHAIKH HAMMAADS EARLY WARNING AGAINST THE DEVIANT CALL OF THE SUROORIS

I once saw the magazine: ‘As-Sunnah’ of Suroor Zainul ‘Aabideen in the hands of some of the people – so I commanded them to burn it, and I said this statement of mine before I came to know of this man.

Shaykh Hammaad al-Ansaaree
Majmoo' fee tarjumah Hamaad Al-Ansaaree volume 2 page 574
Translated by Aboo Haatim Muhammad Farooq

REASONS FOR THE INNOVATORS DENYING ALLAAH'S ATTRIBUTES

2019-09-30T09:27:46+00:00

REASONS FOR THE INNOVATORS DENYING ALLAAH'S ATTRIBUTES

The innovators – and they are the deniers of Allaah’s attributes, studied philosophy and rhetoric before their study of the Book and the Sunnah, and so because of this they fell into denying the attributes.

Shaykh Hammaad al-Ansaaree
Al-Majmoo' fee tarjumah Hammaad al-Ansaaree, volume 2, page 485
Translated by Aboo Haatim Muhammad Farooq

Music & Adultery Begins

2019-07-03T08:23:34+00:00

Music & Adultery Begins

islampinoy.com

THE RULING ON ATTACKING THE ENEMY BY BLOWING ONESELF UP IN A CAR

2019-02-27T09:17:22+00:00

THE RULING ON ATTACKING THE ENEMY BY BLOWING ONESELF UP IN A CAR

Question:

What is the ruling regarding acts of jihaad by means of suicide, such as attaching explosives to a car and storming the enemy, whereby he knows without a doubt that he shall die as a result of this action?

Answer:

Indeed, my opinion is that he is regarded as one who has killed himself (committed suicide), and as a result he shall be punished in Hell, for that which is authenticated on the authority of the Prophet (sal-Allaahu `alayhe wa sallam).

SUICIDE IN ISLAAM

2019-02-27T09:07:08+00:00

SUICIDE IN ISLAAM

Question:

What is the ruling regarding suicide in Islaam?

Answer:

Suicide is when a person kills himself intentionally by whatever means. This is haraam and regarded as amongst the major sins, and likewise included in the general statement of Allaah (Subhaanahu wa Ta'aala):
{And whoever kills a believer intentionally, his recompense is Hell to abide therein, and the Wrath and the Curse of Allaah are upon him, and a great punishment is prepared for him}, [Soorah an-Nisaa, Aayah 93].