IslamChoice Pinoy - Level 6

Level 6 lesson 27 Ang Konsepto ng mga Kasalanan sa Islam (3 of 3)

2019-04-14T11:18:29+00:00

Ang Konsepto ng mga Kasalanan sa Islam (3 of 3)

Deskripsyon: Ang mga araling ito ay ipakikilala ang mambabasa sa mga kasalanan, mga uri nito, kalubhaan, paano matatamo ang kapatawaran para sa kanila, at paano ang mga ito makakaapekto sa isang tao sa buhay na darating.

Nai-publish sa27 Mar 2018-Huling binago sa11 Apr 2018

Kategorya: Mga Aralin > Mga Gawaing Pagsamba > Iba't-ibang Maiinam na Gawa

Mga Layunin:

· Upang matutunan ang mga paraan kung saan ang mga kasalanan ay napapatawad.

· Upang matutunan ang tungkol sa walang kapatawarang kasalanan.

Mga Terminolohiyang Arabik:

· Hajj – Ang paglalakbay sa Mekka kung saan ang manlalakbay ay nagsasagawa ng isang lipon ng mga ritwal. Ang Hajj ay isa sa limang mga haligi ng Islam, na ang bawat nasa hustong gulang na Muslim ay kailangang isagawa ng kahit man lang isang beses sa kanilang buhay kung makakaya itong tustusan at makakaya ng pangangatawan.

· Kafir – (pangmaramihan: kuffar) di-mananampalataya.

· Laylat al-Qadr – isang pinagpalang gabi sa huling sampung araw ng Ramadan, ang buwan ng pag-aayuno.

· Ramadan - Ang ika-siyam na buwan ng Islamikong kalendaryong lunar. Ito ay ang buwan kung saan ang obligadong pag-aayuno ay itinagubilin.

· Shirk – isang salitang nagpapahiwatig ng pag-uugnay ng mga katambal kay Allah, o pag-uugnay ng banal na mga katangian sa iba bukod kay Allah, o paniniwalang ang pinagmumulan ng kapangyarihan, pinsala at mga pagpapala ay nagmumula sa iba bukod kay Allah.

· Ummah - Tumutukoy ito sa kabuuang komunidad ng Muslim, anuman ang kulay, lahi, wika o nasyonalidad.

Ang parusa para sa kasalanan ay inaalis mula sa isang tao sa pamamagitan ng mga sumusunod:

1. Pagsisisi
Ang Pagsisisi ay may mga kundisyon na natalakay na nang una. Walang pagsisisi kung ang mga kundisyong yaon ay hindi natugunan. Ang katugunan sa mga kondisyon ng pagsisisi ay tinitiyak ang kapatawaran. Ang pagsisisi ay tinitiyak ang kapatawaran sa malalaking mga kasalanan din. Si Allah ay nagsabi:

"Sabihin: 'O Aking mga aliping lumabag laban sa kanilang mga sarili (sa paggawa ng mga kasalanan)! Huwag mawalan ng pag-asa sa awa ni Allah, katiyakan, si Allah ay nagpapatawad sa lahat ng mga kasalanan. Katotohanan, Siya ang Laging Nagpapatawad ang Lubos na Maawain'" (Qur'an 39:53)

“At Siya ang tumatanggap ng pagsisisi mula sa Kanyang mga alipin, at nagpapatawad sa mga kasalanan" (Qur'an 42:25)

2. Pagdarasal para sa kapatawaran
Ang paghingi ng kapatawaran ay hindi nakatali sa mahigpit na mga kundisyon tulad ng pagsisisi. Ito ay isang pagdarasal lamang na Si Allah ay maaari o hindi maaaring tanggapin. Ang Propeta ay nagsabi: "Kung ang isang tao ay gumawa ng kasalanan, pagkatapos ay nagsabi, 'O Panginoon, nakagawa ako ng kasalanan kaya patawarin Mo ako,' Siya ay nagsasabi, 'Alam ng Aking alipin na mayroon siyang Panginoon na Siyang maaaring magpatawad ng mga kasalanan o magparusa para dito; Pinatawad Ko ang Aking alipin ...'"[1]

3. Paggawa ng mabuting mga gawa na pumapawi ng mga kasalanan
Si Allah ay nagsabi:

"Katiyakan, ang mabuting mga gawa ay nagtatanggal ng masamang mga gawa." (Qur'an 11:114)

· Pang-araw-araw na mga pagdarasal at Pagdarasal ng Biyernes

"Ang bawat isa sa limang pang-araw-araw na pagdarasal at mula sa isang pagdarasal ng Biyernes hanggang sa susunod ay pagtatakip (mga kasalanan) para sa oras na nasa pagitan, hangga't siya ay hindi gumagawa ng anumang malaking kasalanan."[2]

· Paghuhugas

Kapag ang isang Muslim, o isang mananampalataya, ay naghugas ng kanyang mukha (sa paraan ng espesyal na paghuhugas), ang bawat kasalanan na nagawa ng kanyang mga mata, ay mahuhugasan palayo mula sa kanyang mukha ng tubig, o sa huling patak ng tubig; kapag hinugasan niya ang kanyang mga kamay, ang bawat kasalanang ginawa ng kanyang mga kamay ay mapapawi mula sa kanyang mga kamay ng tubig, o sa huling patak ng tubig; at kapag hinugasan niya ang kanyang mga paa, ang bawat kasalanang ginawa ng kanyang mga paa ay mahuhugasan palayo ng tubig, o sa huling patak ng tubig; hanggang sa lumitaw siyang nalinis sa lahat ng kanyang mga kasalanan."[3]

· Pag-aayuno sa Ramadan

"Sinumang mag-ayuno sa Ramadan dahil sa pananampalataya at umasa para sa gantimpala, ang kanyang mga nakaraang mga kasalanan ay patatawarin.[4]

"Sinumang gugulin ang gabi ng Laylat al-Qadr sa pagdarasal dahil sa pananampalataya at pag-asa sa gantimpala, ang kanyang mga nakaraang mga kasalanan ay patatawarin."[5]

· Hajj

"Ang sinumang magsagawa ng Paglalakbay sa Bahay na ito, at hindi nakipagtalik sa kanyang asawa habang narito at hindi nakibahagi sa makasalanang pag-uugali ay magbabalik na malaya sa kasalanan tulad ng araw na isinilang siya ng kanyang ina."[6]

Ang mabuting mga gawa tulad ng pagdarasal, pag-aayuno, Hajj, atbp ay nagtatakip o nagtatanggal lamang para sa mga paglabag laban sa mga karapatan ni Allah. Tungkol sa mga kasalanang may kinalaman sa mga karapatan ng ibang tao, siya ay kailangang magsisi mula sa kanila.

4. Mga pagdarasal ng kapwa mga mananampalataya tulad ng pagdarasal sa libing
Ang Sugo ni Allah ay nagsabi: "Walang taong Muslim na namatay, at apatnapung lalaki ang nagdasal ng pagdarasal sa libing para sa kanya, hindi nagtatambal ng anumang bagay kay Allah, kundi si Allah ay tatanggapin ang kanilang pamamagitan para sa kanya."[7]

Ang mga anghel ay nagdarasal din para sa mga mananampalataya:

"Yaong mga nagdadala sa Trono, at yaong mga nasa paligid nito, ay niluluwalhati ang kanilang Panginoon sa Kanyang papuri, at naniniwala sa Kanya. Sila ay humihingi ng kapatawaran para sa mga naniniwala, na nagsasabing, Panginoon namin, Iyong niyayakap o pinalilibutan ang lahat ng mga bagay ng awa at kaalaman. Patawarin Mo ang mga nagbabalik sa Iyo at sumusunod sa Iyong landas. Iligtas Mo sila mula sa kaparusahan ng Impiyerno." (Qur'an 40: 7)

5. Pamamagitan ng Propeta sa Araw ng Pagkabuhay Muli
Ang Propeta ay nagsabi:

"Ang aking pamamagitan ay para sa kanila na kabilang sa aking ummah na siyang gumawa ng malaking mga kasalanan."[8]

At siya ay nagsabi:

"Ako ay binigyan ng mapagpipilian sa pagitan ng pagtanggap sa kalahati ng aking ummah sa Paraiso at pamamagitan, at pinili ko ang pamamagitan."[9]

6. Si Allah ay pinapawi ang mga kasalanan sa pamamagitan ng mga kalamidad ng mundong ito.

Ang Propeta ay nagsabi: "Walang pagkapagod, pagkahapo, pag-aalala, pagdadalamhati, pagkabalisa o pinsala ang sumasapit sa isang mananampalataya sa mundong ito, kahit na ang isang tinik na tumurok sa kanya, maliban na si Allah ay tinatakpan o tinatanggal ang ilan sa kanyang mga kasalanan dahil doon."[10]

7. Ang paghihirap, paglamusak, at takot sa libingan ay magtatakip o magtatanggal din ng mga kasalanan.
8. Pagdaranas ng mga pagkatakot, pagkabalisa at kahirapan sa Araw ng Pagkabuhay Muli ay magtatakip o magtatanggal ng ilang mga kasalanan.
9. Awa ng Lubos na Maawain
Sa pamamagitan ng awa ni Allah, na walang usapin sa bahagi ng Kanyang mga alipin, marami ang mapapatawad. [11]

Walang kapatawarang kasalanan
Kung ang isang tao ay namatay bilang isang kafir siya ay hindi patatawarin. Ang Qur'an ay nagsabi:

"Katotohanan, si Allah ay hindi nagpapatawad sa nagtambal sa Kanya ng dapat nakatakda lamang sa Kanya na pagsamba, subalit patatawarin Niya ang sinumang nais Niya para sa anumang bagay bukod dito." (Qur'an 4:48)

"Sila ay tiyak na hindi naniwala na nagsasabing, 'Si Allah ang Mesiyas, ang anak ni Marya'. Subalit ang Mesiyas ay nagsabi, 'O Mga anak ni Israel, sambahin si Allah, ang aking Panginoon at iyong Panginoon.' Katotohanan, sinuman ang nagtakda ng mga katambal sa pagsamba kay Allah, magkagayun si Allah ay ipagbabawal ang Paraiso para sa kanya, at ang Apoy ay magiging kanyang tahanan. At walang para sa mga gumagawa ng masama ang sinumang tutulong." (Qur'an 5:72)

Mga Talababa:
[1] Saheeh Al-Bukhari, Saheeh Muslim

[2] Saheeh Muslim

[3] Saheeh Muslim

[4] Saheeh Al-Bukhari, Saheeh Muslim

[5] Saheeh Al-Bukhari

[6] Saheeh Al-Bukhari

[7] Saheeh Muslim

[8] Abu Dawud

[9] Sahih al-Jami

[10] Saheeh Al-Bukhari, Saheeh Muslim

[11] Saheeh Muslim

{quiz id=211}

Level 6 lesson 26 Ang Konsepto ng mga Kasalanan sa Islam (2 of 3)

2019-04-14T11:04:07+00:00

Ang Konsepto ng mga Kasalanan sa Islam (2 bahagi ng 3)

Deskripsyon: Ang mga araling ito ay ipakikilala sa mambabasa ang mga kasalanan, mga uri nito, kalubhaan, paano matatamo ang kapatawaran para sa kanila, at paano ang mga ito makakaapekto sa isang tao sa buhay na darating.

Nai-publish sa27 Mar 2018-Huling binago sa11 Apr 2018

Kategorya: Mga Aralin > Mga Gawaing Pagsamba > Iba't-ibang Maiinam na Gawa

Mga Layunin:

· Upang matutunan ang kahulugan ng malaki at maliit na mga kasalanan.

· Upang matutunan kung alin at kailan ang malaking mga kasalanan ay magdadala sa isang tao sa pagiging di-mananampalataya.

· Upang matutunan kung paano ang malaking mga kasalanan ay pinatatawad.

· Upang matutunan ang kapalaran ng isang taong namatay na may hindi napatawad na malaking mga kasalanan.

· Upang matutunan ang ilang malaking mga kasalanan.

· Upang matutunan kung kailan ang maliit na mga kasalanan ay magiging malaking kasalanan.

Mga Terminolohiyang Arabik:

· Kaba’ir (pang-isahan- kabirah) – malaking mga kasalanan.

· Saghair (pang-isahan- saghirah) – maliit na mga kasalanan.

· Shirk – isang salitang nagpapahiwatig ng pag-uugnay ng mga katambal ni Allah, o pag-uugnay ng banal na mga katangian sa iba bukod kay Allah, o paniniwalang ang pinagmumulan ng kapangyarihan, pinsala at mga pagpapala ay nagmumula sa iba bukod kay Allah.

· Sunnah - Ang salitang Sunnah ay may ilang mga kahulugan sang-ayon sa larangan ng pag-aaral gayunpaman ang kahulugan sa pangkalahatan ay tinatanggap na maging, anumang naiulat na sinabi, ginawa, o pinayagan ng Propeta.

· Tawbah – pagsisisi.

· Tawheed – Ang Kaisahan at Pagkatangi ni Allah na may kinalaman sa Kanyang Pagka-Panginoon, Kanyang mga Pangalan at Katangian at ang Kanyang Karapatang Sambahin.

Tungkol sa kalubhaan ng mga ito, ang mga kasalanan ay inuri sa malaki at maliit na mga kasalanan. Ang malaking mga kasalanan ay tinatawag na kaba'ir (pang-isahan kabirah) at binanggit sa Qur'an 4:131, 42:37, 53:32. Ang maliit na mga kasalanan, o saghair (pang-isahan saghirah) ay binanggit sa Qur'an 18:49. Ang lahat ng mga gawa, kabilang ang malaki at maliit na mga kasalanan, ay nakatala at ang mga talaang ito ay ibibigay sa indibidwal sa Araw ng Paghuhukom (Qur'an 18:49, 54:2-3).

Kahulugan ng Malaking mga Kasalanan[1]
Anumang kasalanan kung saan ang Qur'an o Sunnah ay nagtatakda ng parusa sa mundong ito tulad ng pagpatay, pangangalunya, at pagnanakaw; o tungkol sa kung saan may babala ng galit at kaparusahan ni Allah sa Kabilang Buhay, pati na rin ang anumang bagay na ang may sala ay isinumpa ng ating Propeta.

Kahulugan ng Maliit na Kasalanan
Ang maliit na kasalanan ay ang bawat kasalanang walang itinakdang kaparusahan para sa buhay na ito o isang babalang nakaakibat dito sa Kabilang Buhay.

Ang Malaking mga Kasalanan Ba ay Magagawa ang isang Taong maging Di-mananampalataya?
Ang mga kasalanan ay pumipinsala sa pananampalataya sa pamamagitan ng pagkabawas nito. Ang pananampalataya ng isang Muslim ay nababawasan katapat ng sukat ng kanyang mga kasalanan. Gayunpaman, alinman sa malaki, ni maliit na mga kasalanan ay nagtatanggal sa pananampalataya ng ganap. Ang isang kasalanan ay hindi nagbabalik sa isang Muslim sa pagiging di-mananampalataya maliban ang tao ay naniniwalang ang kasalanan ay naging pinahintulot. Maaaring itinuturing niya ang kasalanang pinahihintulot alinmang dahil siya ay may kasutilang tumangging kilalanin na si Allah ay ipinagbawal ito o siya ay nag-aalinlangan sa pagkapropeta ni Muhammad, nawa'y ang awa at pagpapala ni Allah ay sumakanya. Sa alinmang kaso, kapag ang isang kasalanan ay katumbas ng pagtanggi sa Quran at pagtanggi kay Propeta Muhammad, ang gumagawa ng kasalanang yaon ay humahakbang sa kawalang-paniwala kahit hindi ginagawa ang kasalanan. Halimbawa, kung ang isang tao ay pinagpipilitang si Allah ay pinahihintulot ang pakikiapid, habang nalalaman nilang ipinagbabawal ito sa Qur'an, ang taong yaon ay nagiging isang di-mananampalataya. Kung hindi man, hindi natin itinuturing ang mga tao na di-Muslim dahil sa kasalanang kanilang ginawa.

Ang patunay na ang isang taong gumawa ng kasalanan ay itinuturing na Muslim ay matatagpuan sa Qur'an at Propetikong mga Tradisyon:

1. Ang Qur'an ay nagsabi:

“Katotohanan, si Allah ay hindi pinapatawad na may mga katambal ang iuugnay sa Kanya sa pagsamba subalit patatawarin Niya ang sinumang Kanyang naisin para sa anuman bukod dito. (Qur'an 4:48)

2. Sinuman ang namatay na hindi nakagagawa ng shirk kay Allah ay makapapasok sa Paraiso.[2]

3. Ang isang taong naniniwala sa Tawheed ay makapapasok sa Paraiso kahit na siya ay nakiapid at nagnakaw.[3]

May isang lasenggero sa panahon ng Propeta. Isang beses nang siya ay pinarusahan, isang Muslim ang nagsumpa sa kanya. Ang Propeta ay pinagbawalan ang Muslim na yaon mula sa pagsumpa sa Kasamahang yaon at siya ay nagsabi: 'Huwag mo siyang sumpain, para kay Allah, siya ay nagmamahal kay Allah at sa Kanyang Sugo.'[4] Dahil sa kanyang paniniwala kay Allah at sa Kanyang Propeta, ang malaking kasalanan na kanyang ginawa ay hindi nagtanggal ng lahat ng kanyang pananampalataya.

Paano Ang Malaking mga Kasalanan Pinatatawad?
Ang malaking kasalanan ay maaaring patawarin sa pamamagitan ng sumusunod na mga paraan:

a) Sa pamamagitan ng taos-pusong pagsisisi, na sinusundan ng paglisan sa kasalanan, pagkakaroon ng pagkabagabag sa pagsasagawa nito, at pagtitika upang hindi na muling gawin ito. Kung ang kasalanan ay nagsasangkot ng pagkakamali sa iba, magkagayun ay karagdagan sa itaas, dapat din niyang ibalik ang kanilang mga karapatan o ari-arian o hingiin ang kanilang kapatawaran.

Kapag nakita ni Allah ang tapat na pagsisising ito mula sa isa sa Kanyang mga alipin - isang aliping tunay na nagbabalik sa kanyang Panginoon sa takot at pag-asa - hindi lamang Niya pinatatawad ang kasalanan, kundi pinapalitan ang mga kasalanang yaon ng mabubuting mga gawa sa kapakinabangan ng alipin. Ito ay mula sa walang hanggang biyaya at awa ni Allah. Si Allah ay nagsabi sa karapatang ito pagkatapos na banggitin ang mga kasalanan ng shirk, pagpatay, at pangangalunya, Siya ay nagsabi: "Maliban sa kanilang mga nagsisisi at naniniwala, at gumagawa ng mabuting mga gawa, para sa kanila, Si Allah ay papalitan ang kanilang mga kasalanan ng mga mabuting mga gawa, at si Allah ay Laging Nagpapatawad , Lubos na Maawain." (Qur'an 25:70) Ang pagpapalang ito ay para lamang sa kanyang may pananampalataya, na ang kanyang pagsisisi ay tapat, at nagsisikap na gumawa ng mabuting mga gawa.

b) Sa pamamagitan ng dalisay na biyaya ni Allah, kabutihan, at tulong. Samakatuwid si Allah ay maaaring patawarin ang sinumang Kanyang naisin kahit ang taong yaon ay hindi naman talaga nagsisi.

c) Sa pamamagitan ng pagganap ng ilang mga gawain, tulad ng Hajj, ayon sa ilang mga iskolar.

Kapalaran ng isang Taong Namatay habang Gumagawa ng Malaking mga Kasalanan
Ang isang taong namatay mula sa isang hindi napagsisihang malaking kasalanan ay nasa pagpapasya ni Allah sa Kabilang Buhay. Kung nais ni Allah, Siya ay maaaring parusahan muna siya ayon sa kanyang mga kasalanan at pagkatapos ay ipasok siya sa Paraiso. Si Allah ay maaari ring patawarin na lamang siya at ipasok siya sa Paraiso ng tuluyan nang walang anumang parusa.[5]

Mga Halimbawa ng Malaking mga Kasalanan
Ang ilan sa malaking mga kasalanan ng puso ay ang pagmamalaki, pagpapaimbabaw, kawalan ng pag-asa sa awa ng Diyos at pagkaramdam na ligtas mula sa banal na plano, kasakiman, at inggit.

Ang ilan sa malaking mga kasalanan ng dila ay pagsisinungaling, paggawa ng maling mga pangako, pagsasalita nang walang kaalaman, paninirang puri sa malilinis na mga babae, pagmamayabang, at pangungutya sa iba.

Kabilang sa iba pang malaking mga kasalanan ang rasismo (panlalait sa lahi ng ibang tao), panunuhol, pagsuway sa mga magulang, pagsira sa mga pagkakamag-anak, pamiminsala sa kapit-bahay, pagmamalupit sa mga hayop, paggamit ng mga droga at nakalalasing na mga inumin, pakikiapid, at pagnanakaw.

Kaugnayan sa Pagitan ng Maliit at Malaking mga Kasalanan at Bilang ng Malaking mga Kasalanan
Gaano karaming malaking mga kasalanan ang naroroon? Ang mga ito ay umaabot mula apat hanggang pitong daan. Isang akda sa malaking mga kasalanan ng isang bantog na iskolar, na si Imam Adh-Dhahabi, ay nagtala ng 70. Si Imam Haytami, isa pang iskolar, ay naglarawan ng mga 476 na malaking mga kasalanan. Ang bantog na kasamahan ni Propeta Muhammad, na si Ibn Abbas, nawa'y si Allah ay kalugdan siya, ay nagsabi na ang malaking mga kasalanan ay "malapit na sa 700 kaysa ang mga ito sa pito, maliban sa walang kasalanan ang 'malaki' kapag ang kapatawaran ay hinanap para dito (yaon ay kapag siya ay nagsagawa ng wastong pagsisisi (tawbah), tulad din ng walang kasalanan ang 'maliit' kung kanya itong ipinagpapatuloy."[6]

Ang maliit na kasalanan ay maaaring maging malaki sa pamamagitan ng:

· Pagpapatuloy at pag-uulit.

· Pagmamaliit sa kasalanan.

· Pagdiriwang sa kasalanan at pagmamalaki dito.

· Pagpapahayag ng kasalanan at pagsasalaysay nito sa iba.

Mga Talababa:
[1] Al-Kabair by al-Dhahabi tahqiq Muhi ud Din Mistu, p. 36

[2] Saheeh Muslim

[3] Saheeh Muslim

[4] Saheeh Al-Bukhari

[5] Shar Aqeeda al-Wasitiyya, Khalil a-Harras, p. 190-192

[6] Mukhtasar Minhaj ul-Qasideen, p. 257

{quiz id=209}

Level 6 lesson 25 Ang Konsepto ng Kasalanan sa Islam (1 of 3)

2019-04-14T10:29:33+00:00

Ang Konsepto ng Kasalanan sa Islam (1 of 3)

Nai-publish sa27 Mar 2018-Huling binago sa11 Apr 2018

Kategorya: Mga Aralin > Mga Gawaing Pagsamba > Iba't-ibang Maiinam na Gawa

Mga Layunun:

· Upang matutunan ang kahulugan ng kasalanan at kawalang-paniwala.

· Upang matutunan ang mga uri ng kasalanan.

· Upang matutunan ang ilang halimbawa ng kawalang-paniwala.

· Upang matutunan kung sino ang mga di-mananampalataya.

· Upang matutunan ang 4 na mga dahilan na humahadlang sa isang Muslim sa pagiging isang di-mananampalataya.

· Upang matutunan kung ang isang tao ay maaaring magbalik sa Islam matapos lisanin ito.

Mga Terminolohiyang Arabik:

· Imaan - pananampalataya, paniniwala o pananalig.

· Kufr – kawalang-paniwala.

· Kafir – (pangmaramihan: kuffar) di-mananampalataya.

· Shahadah – Pagpapahayag ng Pananampalataya.

· Shariah – Islamikong Batas.

Kahulugan ng Kasalanan at mga Uri nito
Ang kasalanan ay tinukoy bilang isang gawang pagsuway na kung saan ang isang tao ay iniiwan ang kautusan ni Allah. Ang isang makasalanan ay sinasalungat ang Shariah sa pamamagitan ng pag-tanggi sa kautusan ni Allah na isinaad sa Qur'an o Sunnah. Ang mga iskolar ay inilalarawan ang kasalanan na may imahe ng "paglabas" sa banal na pagsunod sa pamamagitan ng paggawa ng ipinagbabawal o paglisan sa kung ano ang kinakailangan. Ang Islam ay nagtuturong ang tao ay hindi isinilang sa kasalanan, sa halip siya ay nagiging makasalanan kapag nakagawa siya ng kasalanan.

Ang mga kasalanan ay maaaring uriin sa:

a) Kufr (kawalang-paniwala): Ito ay nagdadala sa isang tao sa labas ng kawan ng Islam at siya ay nagiging isang di-mananampalataya. Ang mga halimbawa ng kasalanang ito ay mabibigyang linaw sa ibaba, subalit dapat maging malinaw na ang kufr ay nagdadala sa tao palabas sa kawan ng Islam kapag alam nila ang likas at kalubahaan ng kasalanang kanilang ginagawa. Sa diwa, ang kufr ay bumubuo ng lubusang "paglabas" sa Islam at banal na pagsunod. Ang isang taong gumagawa ng kufr ay tinatawag na 'di-mananampalataya' (Arabe: kafir) at hindi na siya isang Muslim. Kung siya ay mamatay sa katayuang yaon, siya ay papasok sa Impiyerno at mananatili roon magpakailanman (9:84; 24:55). Dapat ding tandaang ang pagtawag sa isang taong isang kafir (di-mananampalataya) ay hindi dapat gawin ng karaniwang tao; ito ay isang kapasyahang ipinapalabas ng Islamikong mga iskolar. Kung ang isang Muslim ay nakakakita ng isa na gumagawa ng gawang kufr nararapat na sila ay payuhan ng paulit at ang katawagan na 'di mananampalataya' ay di nararapat na ibigay sa kanya.

Mahalagang tandaan na sa kabila ng pagtungtong sa kawalang-paniwala, ang isang tao ay maaaring muling pumasok sa Islam anumang oras bago ang kamatayan.

b) Malaki at maliit na mga kasalanan: Ang isang gumagawa ng malalaki at maliliit na kasalanan ay hindi nawawala ang lahat ng kanilang pananampalataya at nasa loob pa rin ng kawan ng Islam (49: 6; 2: 282). Ang gayong tao ay isang Muslim, subalit may nasirang pananampalataya (Arabe: "imaan").

Ang natitirang aralin ay magpapaliwanag sa kawalang-paniwala.

Kahulugan ng Kawalang-paniwala
Ang "kawalang-paniwala" (Arabe: kufr) ay tinukoy bilang kawalan ng pananampalataya (Arabe: imaan) ng lahat ng Muslim na mga iskolar. Hindi ito mahalaga maging ang tao ay nagsasabi nito o nagtataglay nito sa puso.[1] Sa madaling salita, ang 'kawalang-paniwala' (Arabe: kufr) ay anumang salita, gawa, o paniniwala na sumasalungat sa pananampalataya (Arabe: imaan).

Mga Halimbawa ng Kawalang-paniwala
1. Paggawa ng shirk.

2. Kasuklaman o Lapastanganin ang Diyos at ang Qur'an.

3. Kasuklaman, lapastanganin, abusuhin, o gawing katawa-tawa ang Propeta Muhammad kahit na ang isang tao ay naniniwala sa kanyang pagkatotoo.

4. Pagsasabing si Propeta Muhammad ay nagsinungaling.

5. Nalalaman na ang Propeta ay naghatid ng katotohanan subalit tumatangging sundin ang kanyang mga turo.

6. Pagtawanan ang anumang katuruan ng Islam.

7. Pagpapatirapa sa isang idolo.

8. Pagsamba kay Propeta Muhammad sa paraan ng mga Kristiyano sa pagsamba kay Hesus.

Sino ang Di-mananampalataya, ang Kafir?
Ang isang di-mananampalataya ay isang taong hindi naniniwala sa mensahe ni Propeta Muhammad. Ito yaong hindi binigkas ang dalawang pagpapahayag, kulang ng tamang Islamikong pananampalataya (imaan), o pinanghahawakan ang paniniwala, nagsasabi ng isang salita, o gumagawa isang gawang kawalang-paniwala.

May isang mahalagang puntong mauunawaan dito. Kung ang isang taong naging isang Muslim sa pamamagitan ng pagbigkas ng Pagpapahayag ng Pananampalataya (shahadah) ay nagtataglay ng isang paniniwala, nagsasabi, o ginagawa ang kung anong maituturing na kufr, hindi siya maaaring maging isang di-mananampalataya. Ang dahilan ay matapos maging isang Muslim, may ilang mga hadlang na pumipigil sa isang tao sa pagiging isang kafir.

Mga Dahilan Na Humahadlang sa isang Tao mula sa Pagiging isang Di-mananampalataya
Ang isang Muslim ay maaaring mahulog sa kawalang-paniwala, subalit hindi magiging isang di-mananampalataya dahil sa isa sa mga sumusunod na mga kadahilanan:[2]

1. Kamangmangan
Ang isang nagbalik sa Islam, isang Muslim na lumaki sa isang liblib na lugar, o isang Muslim na pinalaki sa isang hindi relihiyosong kapaligiran ay maaaring mangmang sa pangunahing mga paniniwala, relihiyosong tungkulin, at mga pagbabawal ng Islam. Ang ganitong mga tao ay maaaring hindi nalalaman, halimbawa, na ipinagbabawal ng Islam ang homoseksuwalidad o nangangailangan ng mga pagdarasal ng limang beses sa isang araw. Ang mga taong ito ay maaaring mahulog sa kawalang-paniwala, subalit hindi magiging mga di-mananampalataya dahil sa paningin ni Allah ay maaaring sila ay mapaumanhin dahil sa kanilang kamangmangan.

2. Pagkakamali
Ang isang tao ay maaaring magmintis sa pamantayan at makagawa ng isang bagay na hindi niya nilayon. Siya ay maaari lamang nakagawa ng isang hindi sinasadya, tapat na pagkakamali. Halimbawa, kung ang isang nagbalik sa Islam ay naniniwalang ang pag-inom ng alak ay ipinagbabawal lamang sa mga oras ng pagdarasal. Mula sa isang tekstual na pananaw, ang pag-inom ng alak, habang pinaniniwalaang ito ay pinahihintulot, ay isang gawang kawalang-paniwala, subalit ang taong ito ay hindi magiging isang di-mananampalataya dahil sa tapat na pagkakamaling nagawa niya.

3. Pamimilit
Ang isang tao ay maaaring sapilitang gawin o sabihin kung anong katumbas ng kawalang-paniwala dahil sa isang tuwirang banta sa kanilang buhay o pangangatawan o sa kanilang mga mahal sa buhay. Sa anumang ganitong kalagayan ang puso ay dapat laging nasisiyahan sa Islam, puspos ng pananampalataya; Pagkatapos nito, ang isang tao ay maaaring sabihin o gawin kung ano ang kufr (16:106).

4. Maling Pagkaunawa
Siya ay maaaring may ilang mga pagkalito at ilang mga maling pagkaunawa na siya ay sumusunod sa, iniisip na kung ano ang kanyang paniniwala ay sa katunayan ay bahagi ng Islam gayong ito ay hindi naman.

Pagbabalik sa Islam Pagkatapos ng Paglisan Dito
Ang isang taong sadyang umalis sa kawan ng Islam ay maaaring maging isang Muslim muli. Ang kanyang 'pagsisisi' ay para muling pumasok sa Islam at magagawa niya ito sa pamamagitan ng pag-uulit ng Pagpapahayag ng Pananampalataya (shahadah).

Kung iniwan niya ang Islam dahil sa pagsalungat sa isang ubligadong tungkulin, magkagayun ay dapat din niyang kilalanin ang tungkulin yaon. Sabihin nating itinatanggi niya ang ubligasyon ng limang pang-araw-araw na pagdarasal. Kapag siya ay muling pumasok sa Islam, kinakailangang kilalanin niyang ang mga pagdarasal na ito ay kinakailangan, kung hindi, ang kanyang pagsisisi ay hindi tatanggapin.

Mga Talababa:
[1] Majmu Fatawa li Ibn Taimiyya, vol 20, p. 86

[2] Nawaqidh al-Imaan al-I’tiqadiyya wa Dhawabit al-Takfir ind as-Salaf by Dr. Muhammad al-Wuhaibi, vol. 1 p. 225 - vol.2 p. 36

{quiz id=210}

Level 6 lesson 24 Ang Umrah (2 of 2)

2019-04-14T09:29:52+00:00

Umrah (2 bahagi ng 2)

Deskripsyon: Isang madaling sunding gabay na binabalangkas ang mga mahahalaga na kailangan ng bawat bagong Muslim na malaman tungkol sa kalagayang Ihram, isang haligi para sa kapwa Umrah at Hajj.

Nai-publish sa27 Mar 2018-Huling binago sa11 Apr 2018

Kategorya: Mga Aralin > Mga Gawaing Pagsamba > Pag-lalakbay Patungong Makkah (Hajj)

Mga Layunin:

· Upang matutunan ang mahalagang mga bagay na nauugnay sa kalagayang Ihram.

· Upang maiwasan ang mga kilalang paniniwalang hindi pinatunayan ng katibayan sa Islam.

· Upang kompletuhin ang Umrah sa pamamagitan ng isang matalas na diwa ng kaalaman.

Mga Terminolohiyang Arabik

· Umrah – Ang paglalakbay sa Banal na Bahay ni Allah sa lungsod ng Mekka, Saudi Arabia. Madalas na tukuyin ito bilang maliit na paglalakbay. Ito ay maaaring isagawa anumang oras sa buong taon.

· Miqat - Isang himpilan kung saan siya ay magsusuot ng mga pananamit ng Ihram at papasok sa kalagayang Ihram.

· Talbiyah – Ang pagpapahayag ng panambitan ng mga Muslim habang nasa paglalakbay.

· Mahdthoorat – Ang mga ito ay mga gawaing hindi ipinahihintulot para sa isang nasa kalagayang Ihram.

· Mubasharah – Ito ay pisikal na pagdikit (balat sa balat) sa isang babae.

· Ihram – Isang kalagayan kung saan siya ay pinagbabawalang gawin ang ilang mga gawang pinahihintulutan sa ibang mga pagkakataon. Ito ay kinakailangan kapag nagsasagawa ng mga ritwal ng Umrah at Hajj.

· Kabah – Ang hugis kwadradong gusali na matatagpuan sa lungsod ng Mekka. Ito ay nagsisilbi bilang isang tampulang dako o direksyon kung saan ang lahat ng mga Muslim ay humaharap kapag nagdarasal.

· Sa’ee – Ito ay ang paglakad at pagtakbo sa pagitan ng mga burol ng Safa at Marwa.

· Tawaf – Pag-ikot sa palibot ng Kabah. Ito ay isinasagawa ng pitong ikot.

· Rakah - yunit ng pagdarasal.

Sa nakaraang aralin, nabanggit natin ang mga kondisyon ng Umrah at ang pamamaraan kung paano isasagawa ito. Gaya ng natalakay sa unang bahagi, ang pagpasok sa kalagayang Ihram ay isang haligi ng dakilang ritwal na ito. Dahil ito ay isang napakahalagang bahagi ng karanasan sa Umrah at Hajj, kinakailangang magbigay ng higit pang liwanag sa 'dapat' at 'hindi dapat' sa kalagayang ito.

Mga Kapuri-puring Kasanayan
1. Higit na mainam na isagawa ang ritwal na pagligo bago pumasok sa kalagayang Ihram.

2. Paggupit ng mga kuko sa kamay, pagpapaikli sa bigote, at pagbunot/pag-ahit ng kilikili at balahibo sa maselang bahagi bago pumasok sa kalagayang Ihram.

3. Pagpasok sa kalagayang Ihram pagkatapos isagawa ang isang obligadong pagdarasal.[1]

4. Pagbigkas ng Talbiyah: ‘Labbaik Allaahumma labbaik…’ pagkatapos pumasok sa kalagayang Ihram. Ang mga kalalakihan ay dapat palakasin ang kanilang mga tinig habang binibigkas ito at ang mga kababaihan ay maaaring bigkasin ito ng tahimik sa kanilang mga sarili.

Mga Kasanayang Dapat Iwasan
Ang mga kasanayang dapat iwasan ay tinutukoy bilang 'Mahdthoorat' ng Ihram. Ang mga gawaing ito ay hindi pinahihintulot para sa isang nasa kalagayang Ihram. Ang mga ito ay nahahati sa tatlong mga kategorya; isang natatangi sa mga kalalakihan, isang natatangi sa mga kababaihan at isang may kinalaman sa dalawa.

Ipinagbabawal para sa mga Kalalakihan at mga Kababaihan habang nasa kalagayang Ihram:
1. Paggupit ng buhok o pag-ahit nito mula sa alinmang bahagi ng katawan.

2. Paggupit ng mga kuko sa mga kamay at mga paa.

3. Paglalagay ng pabango, gaano man kabanayad ang amoy.

4. Pangangaso ng mga panlaruang mga hayop.

5. Kaganapan sa pag-aasawa.

6. Mubasharah (ito ay pagdikit sa babae nang balat sa balat) o paggawa ng isang bagay na maaaring humantong dito tulad ng pakikipaghalikan o pakikipagkarinyuhan.

7. Sekswal na pakikipagtalik.

Natatanging ipinagbabawal para sa mga Kalalakihan:
1. Pagtatakip ng ulo nang tuwiran ng isang sumbrero o isang turban. Ang mga payong o pag-upo sa lilim ng isang sasakyan o sa isang tolda ay pinahihintulot.

2. Ang pagsusuot ng mga tinahing damit na karaniwang isinusuot, tulad salawal, kamiseta at iba pang katulad na mga kauri ng damit.

Natatanging ipinagbabawal para sa mga Kababaihan:
Ang isang babae ay hindi dapat takpan ang kanyang mukha maliban kung may mga kalalakihang dumaan sa harapan niya. Siya ay maaaring magsuot ng anumang nais niya hangga't ito ay naayon sa Islamikong pamantayan ng pananamit, at dapat niyang takpan ang kanyang buhok at hindi siya dapat magsuot ng guwantes.

Paggawa ng Mahdthoorat dahil sa Kamangmangan
Kung mayroong makagawa ng isa sa mga ito dahil sa kamangmangan siya ay pinauumanhinan. Sinuman ang makagawa ng isa sa mga nasa itaas na Mahdthoorat pagkatapos pumasok sa kalagayang Ihram ng sinasadya ay nakagawa ng isang kasalanan, at kinakailangang mag-ayuno ng tatlong araw o magpakain ng anim na mahihirap /nangangailangang mga indibidwal.

Mga Kasanayang Pinahihintulutan
1. Pagsasagawa ng pagligo.

2. Pagsusuot ng sing-sing.

3. Pagsusuot ng sinturon.

4. Pagsusuot ng sandalyas.

5. Paggamit ng payong.

6. Paggamit ng bendahe.

7. Pagsakay ng bus.

8. Pagsusuot ng relo.

9. Pagsusuot ng salaming-pang-araw.

Mga Di-mapananaligang Kasanayan
Dahil sa napakaraming bilang ng mga taong nagmumula sa lahat ng antas ng pamumuhay para sa Umrah sa buong pagdaan ng taon, mahalaga na siya ay hindi malinlang sa mga kilalang paniniwalang maaaring dala-dala ng ilan. Ang Islam ay relihiyon ng kagaangan, hindi kahirapan! Si Allah, ang Kataas-taasan, ay nagsabi:

"At sa gayon ginawa Namin kayong isang makatarungan/katamtamang bansa." (Qur'an 2:143)

Sa liwanag ng talatang ito, ating babanggitin dito ang ilang mga kakaibang paniniwala na dala-dala ng ilan. Siya ay dapat na maging maingat para sa kanila at hindi umayon sa kanila:

1. Paniniwalang mangangailangan ka ng isang natatanging pares ng sandalyas para sa Umrah.

2. Pagpasok sa kalagayang Ihram bago sa himpilan ng Miqat.

3. Pagsambit ng Talbiyah sa isang magkakasamang tinig sa isang grupo.

4. Pagtataas ng mga kamay, bilang ginagawa sa pagdarasal, kapag humaharap sa Itim na Bato.

5. Paglalagay ng kanang kamay sa kaliwang kamay habang nasa Tawaf (pag-ikot sa palibot ng Kabah)

6. Paggawa ng isang natatanging pagsusumamo sa bawat sulok ng Kabah.

7. Paghalik sa sulok ng Yemeni.[2]

8. Paghahangad ng mga pagpapala mula sa Kabah sa pamamagitan ng pagpupunas sa mga dingding nito ng isang tela o pananamit ng Ihram.

9. Paghalik at paghaplos sa Maqam ni Abraham (Himpilan ni Abraham).

10. Pagdarasal ng dalawang rakahs pagkatapos maisagawa ang Sa'ee.

Mahalaga para sa isang Muslim na laging sundin ang halimbawa ng ating minamahal na Propeta, nawa'y ang awa at mga pagpapala ni Allah ay sumakanya, dahil ang tagumpay ay nakasalalay dito.

Mga Talababa:
[1] Walang natatanging pagdarasal para sa Ihram. Ang obligadong mga pagdarasal ay ang limang pang-araw-araw na pagdarasal na isinasagawa ng mga Muslim.

[2] Habang isinasagawa ang Tawaf ang sulok na nauuna sa Itim na bato.

{quiz id=208}

Level 6 lesson 23 Ang Umrah (1 of 2)

2019-04-14T09:26:02+00:00

Ang Umrah (1 of 2)

Deskripsyon: Isang madaling sunding gabay na binabalangkas ang mga kinakailangan ng bawat bagong Muslim na malaman tungkol sa Umrah, ang mas maliit na paglalakbay.

Nai-publish sa28 Mar 2018-Huling binago sa11 Apr 2018

Kategorya: Mga Aralin > Mga Gawaing Pagsamba > Pag-lalakbay Patungong Makkah (Hajj)

Mga Layunin:

· Upang matutunan ang kahalagahan ng Umrah.

· Upang matutunan ang mga pangunahing mga kundisyong nauugnay dito.

· Upang matutunan kung paano isagawa ito.

Mga Terminolohiyang Arabik

· Hajj – Ang paglalakbay sa Meka kung saan ang manlalakbay ay nagsasagawa ng isang lipon ng mga ritwal. Ang Hajj ay isa sa limang mga haligi ng Islam, na ang bawat nasa hustong gulang na Muslim ay kailangang isagawa kahit man lang isang beses sa kanilang buhay kung makakaya itong tustusan at makakaya ng pangangatawan.

· Ihram – Isang kalagayan kung saan siya ay pinagbabawalang gawin ang ilang mga gawa na pinahihintulutan sa ibang mga pagkakataon. Ito ay kinakailangan kapag nagsasagawa ng mga ritwal ng Umrah at Hajj.

· Izaar – Isang pirasong telang ginagamit bilang isang tapis sa baywang para sa kapwa mga kalalakihan at kababaihan.

· Jihad – isang pakikibaka, pagsisikap sa ilang bagay, at maaaring tumukoy sa isang lehitimong digmaan

· Kabah – Ang hugis kwadradong gusali na matatagpuan sa lungsod ng Meka. Ito ay nagsisilbi bilang isang tampulan o direksyon kung saan ang lahat ng mga Muslim ay humaharap kapag nagdarasal.

· Mahram – isang tao, lalaki o babae na may kaugnayan sa isang partikular na indibidwal sa dugo, kasal o pagpapasuso. Siyang lalaki o babae na hindi pinapayagang pakasalan, tulad ng ama, pamangking lalaki, tiyuhin, atbp.

· Miqat – Isang himpilan kung saan siya ay magsusuot ng mga pananamit ng Ihram at papasok sa kalagayang Ihram.

· Niqab – Belong pangmukha.

· Ridaa – Isang pirasong telang (balabal atbp) na isinusuot paikot sa itaas na bahagi ng katawan.

· Sa’ee – Ito ay ang paglakad at pagtakbo sa pagitan ng mga burol ng Safa at Marwa.

· Safa and Marwa – Mga burol sa pagitan kung saan ang mga tao ay lumalakad at tumatakbo habang nasa Umrah.

· Talbiyah – Ang pagpapahayag ng panambitan ng mga Muslim habang nasa paglalakbay.

· Tawaf – Pag-ikot sa palibot ng Kabah. Ito ay isinasagawa ng pitong ikot.

· Umrah – Ang paglalakbay sa Banal na Bahay ni Allah sa lungsod ng Meka, Saudi Arabia. Madalas na tukuyin ito bilang maliit na paglalakbay. Ito ay maaaring isagawa anumang oras sa buong taon.

Kahalagahan ng Umrah

Ang kahalagahan ay matatagpuan sa maraming mga teksto; atin itong itatala dito sa pamuntong anyo.

1. "Maging matatag at isagawa ang Umrah matapos isagawa ang Hajj; sapagkat sa katiyakan ito ay mag-aalis ng kahirapan at mga kasalanan sa paraang katulad ng isang panday na nagpapadalisay ng bakal, ginto at pilak. Katiyakan ang tanggap na Hajj ay walang gantimpala maliban sa Jannah (Makalangit na Tahanan)."[1]

2. "Ang pagsasagawa ng isang Umrah na sinundan ng isa pa ay papawi sa lahat ng mga kasalanan sa pagitan ng dalawa."

3. "Ang Jihad para sa matanda, mahina at mga kababaihan ay Hajj at Umrah."[3]

Mga Haligi ng Umrah
Mayroong tatlong mga haligi ang Umrah:

1) Ihram

2) Tawaf

3) Sa’ee

Ihram: Ang Ihram ay tumutukoy sa isang kalagayang pinapasok ng isang tao, kung saan siya ay pinagbabawalang gumawa ng ilang mga bagay. Kabilang dito ang paglalagay ng pabango, paggupit ng mga kuko o pagputol ng buhok at pagtakip ng ulo ng tuwirang pantakip sa ulo.[4] Ang isang lalaki ay nagsusuot ng dalawang tela na tinatawag na "Izaar" at "Ridaa" at dapat niyang iwanan ang kanyang ulong walang takip. Ang "Ridaa" ay nagtatakip sa itaas na bahagi ng katawan, samantalang, ang "Izaar" ay magtatakip sa ibabang bahagi ng katawan.

Ang isang babae ay maaaring magsuot ng kanyang karaniwang damit, subalit hindi siya dapat magsuot ng guwantes o isang "niqab". Maaari niyang iladlad ang kanyang pandong o takip sa ulo sa kanyang mukha sa harap ng mga di-mahram na lalaki.

Tawaf: Ito ay ang pag-ikot sa palibot ng Kabah. Ang isang tao ay isinasagawa ito ng pitong beses.

Sa’ee: Ito ay ang paglakad at pagtakbo sa pagitan ng mga burol ng Safa at Marwa.

Ang mga ito ang tatlong mga haligi ng Umrah.

Ang Umrah ay mayroon ding dalawang kinakailangang gawain na dapat matugunan:

1. Pagpasok sa kalagayang Ihram sa labas ng Haram (santuwaryo) lugar (mula sa Miqat himpilan).

2. Pag-aahit o pagpapaikli ng buhok (para sa lalaki) at paggupit ng kaunting bahagi para sa babae.

Pamamaraan ng Umrah
Kapag ang isang tao ay dumating sa himpilang Miqat, maging ito ay sa pamamagitan ng panlupa o sa pamamagitan ng panghimpapawid dapat nilang isuot ang kinakailangang pananamit ng Ihram. Ang isang tao ay maaaring maglagay ng pabango sa kanyang katawan bago pumasok sa kalagayang Ihram, kung nanaisin niya, subalit hindi sa kanyang mga suot. Hindi siya dapat maglagay ng pabango pagkatapos pumasok sa kalagayang Ihram.

Bago lisanin ang himpilang Miqat, siya ay dapat magsabi ng: "Labbaik Allaahumma bi 'Umrah" (Narito ako O Allah bilang tugon sa Iyong panawagang magsagawa ng Umrah). Sa pagsasabi nito siya ay pumapasok sa kalagayang Ihram.

Sila magkagayun ay magsisimulang manambitan ng Talbiyah sa pagsasabing: “Labbaik Allaahumma labbaik, labbaika laa shareeka laka labbaik, innal-hamda wan-ni’mata laka wal mulk, laa shareeka lak”[5].

Patuloy silang mananambaitan dito hanggang sa marating nila ang Kabah at magsimulang magsagawa ng Tawaf. Ang isang lalaki ay dapat na ilantad ang kanyang kanang balikat sa buong Tawaf; ito ay ginagawa sa pamamagitan ng paglalagay ng gitnang bahagi ng Ridaa sa ilalim ng kanang braso at pagsampay ng magkabilang dulo ng tela sa kaliwang balikat.

Pagkatapos nito, siya ay iikot sa palibot ng Kabah ng pitong beses; bawat yugto ay magsisimula sa Itim na Bato. Hindi niya kinakailangang pisikal na hawakan o halikan ito, subalit kapag siya ay nakahilera na dito, sisimulan nila ang kanilang pag-ikot sa puntong yaon. Habang nasa Tawaf, siya ay dapat isaalang-alang si Allah, paghiling sa Kanya at pagsusumamo para sa Kanyang awa. Siya ay dapat umiwas sa walang kabuluhang pangungusap at pagtawa, dahil maaaring ito ay isang beses sa tanang buhay lamang na pagkakataon na kung saan hindi dapat ito ipagwalang bahala!

Kapuri-puri para sa kanyang maglakad nang mas mabilis na paghakbang sa unang tatlong mga ikot.

Ang Propeta, nawa'y ang awa at pagpapala ni Allah ay sumakanya, ay nagsasabi ng mga sumusunod sa pagitan ng kantong Yemeni at ng Itim na Bato:

Rabbanaa aatina fid-dunya hasanah wa fil-aakhirati hasanah wa qina ’adhaban-naar

Ang kahulugan: O aming Panginoon, pagpalain kami ng kabutihan sa buhay na ito at sa susunod na buhay at iligtas kami mula sa pagpapahirap ng Impiyerno.

Kapag ang ikapitong ikot ay natapos na, dapat nilang takpan ang kanilang balikat at magsagawa ng dalawang yunit na pagdarasal sa likod ng Maqam ni Abraham (Himpilan ni Abraham[6]). Kung ito ay hindi maaari (dahil sa karamihan ng tao) magkagayun ay siya ay maaaring magdasal sa kahit saan sa Moske.

Matapos ang pagdarasal ay dapat uminom ng tubig Zamzam dahil sa ito ay pinagpala. Ang Propeta ay nagsabi: 'Ang tubig Zamzam ay para sa kung saan ang pag-inom.'[7]

Sa pamamagitan nito, ang unang yugto ng Umrah ay nagtapos. Habang siya ay papalapit sa burol ng Safa sila ay bibigkas:

“Innas-safaa wal-marwata min sha’aa-iril-laah, faman hajjal-baita a-wi’tamara falaa junaaha ’alaihi an yat-tawwafa bi-hi-maa wa man ta-tawwa’a khairan fa-innallaaha shaakirun ’aleem.”

Ang kahulugan: Katiyakan, ang as-Safa at al-Marwah ay kabilang sa mga simbolo ni Allah. Kaya sinumang magsagawa ng Hajj sa Bahay o magsagawa ng Umrah - walang paninisi sa kanya para sa paglalakad sa pagitan ng mga ito. At sinuman ang magkusa sa kabutihan - magkagayun katiyakan, si Allah ay mapagpasalamat at Maalam. (Qur'an 2:158)

Pagkatapos nito siya ay dapat magsabing: “Ab-da’u bi-maa bada-allaahu bihi.”

Ang kahulugan: Ako ay nagsimula sa kung saan nagsimula si Allah.

Ito ay binibigkas lamang sa unang pagkakataon.

Pagkatapos nito, siya ay lalakad patungo sa bahagyang pakiling sa burol ng Safa at pagkatapos ay nakaharap sa Kabah. Ito ang pagkakataon kung saan ang pagsusumamo ay tinatanggap at dapat nilang ulitin ang kanilang mga pagsusumamo ng tatlong beses. Pagkatapos nito, ang isang tao ay dapat lumakad sa pagitan ng mga burol ng Safa at Marwa at tumakbo sa pagitan ng mga berdeng mga ilaw, hanggang sa marating nila ang burol ng Marwa. Dito siya ay upang magsumamo tulad ng ginawa nila sa burol ng Safa. Ang paglalakbay na ito sa pagitan ng mga burol ng Safa at Marwa ay itinuturing na isang biyahe; ang isang tao ay may pitong mga biyahe mula sa Safa at nagtatapos sa Marwa.

Ang huling hakbang sa Umrah ay paikliin o ahitin ang buhok para sa isang lalaki at gupitan ang isang maliit na bahagi para sa isang babae. Sa pamamagitan nito ang Umrah ay nagtatapos.

Sa ikalawang bahagi ating tatalakayin ang mahahalagang mga paksa na tumutukoy sa Ihram at talakayin ang mahalagang mga payo na kanyang dapat malaman kapag nagsasagawa ng Umrah.

Mga Talababa:
[1] Tirmidthi

[2] Saheeh Al-Bukhari

[3] An-Nasa’ee

[4] Iba pang impormasyon tungkol dito ang matatagpuan sa 2 bahagi.

[5] Ang kahulugan: Narito ako O Allah bilang tugon sa Iyong panawagan, narito ako. Narito ako, wala kang katambal, narito ako. Katotohanang ang lahat ng papuri, biyaya at kapangyarihan ay nabibilang sa Iyo. Wala kang katambal.

[6] Ito ang bahagi kung saan si Propeta Abraham ay tumindig upang itayo ang Kabah.

[7] Ibn Hibban

{quiz id=207}

Level 6 lesson 21 Mga pagbabago sa Islam (2 of 2)

2019-04-09T10:59:36+00:00

Mga Pagbabago sa Islam (2 of 2)

Ito ba ay bidah?

Deskripsyon: Ang pagpapatuloy ng pamamaraan upang makilala o matukoy ang bidah na gawain at paniniwala, ang maikling listahan ng karaniwang bidah at ang mga kawikaan ng mga pantas ukol sa "Mabuting Bidah".

Nai-publish sa17 Apr 2018-Huling binago sa11 Apr 2018

Kategorya: Mga Aralin > Mga Islamikong Paniniwala > Pakikitungo sa mga Sektang Iniuugnay sa Islam

Kategorya: Mga Aralin > Pakikipag-ugnayang Panlipunan > Pakikitungo sa mga Sektang Iniuugnay sa Islam

Mga Layunin:

· Upang makilala ang isang bidah.

· Upang malaman ang ilang mga karaniwang bidah at maidagdag sa listahan.

· Upang malaman ang opinyon ng ilang iginagalang na mga iskolar.

Mga Terminolohiyang Arabik:

· Deen - ang panuntunan ng pamumuhay batay sa kapahayagan ng Islam; ang kabuuan ng pananampalataya at gawain ng isang Muslim. Ang Deen ay madalas na ginagamit bilang pantukoy sa pananampalataya, o ang relihiyong Islam.

· Eid - Pista o pagdiriwang. Ipinagdiriwang ng mga Muslim ang dalawang pangunahing relihiyosong pista, na kilala bilang Eid-ul-Fitr (Na ipinagdiriwang pagkalipas ng buwan ng Ramadhan) at Eid-ul-Adha (Na ipinagdiriwang sa panahon ng Hajj).

· Eid ul-Adha - “Pista ng pag-alay ng sakripisyo (Katay)".

· Hajj - Ang paglalakbay tungo sa banal na lugar ng Makka kung saan ang mga manlalakbay ay nagsasagawa ng isang hanay ng mga takdang ritwal. Ang Hajj ay isa sa limang haligi ng Islam, na obligadong isagawa ng bawat may sapat na gulang na Muslim ng hindi bababa ng isang beses sa kanilang tanang buhay kung may kakayanan silang pinansiyal at pisikal.

· Itikaf - ang pananatili sa loob ng masjid na may layuning maging mas mapalapit pa sa Allah.

· Ramadan - Ang ikasiyam na buwan ng Islamikong kalendaryong lunar. Ito ang buwan kung saan ang obligadong pag-aayuno ay ini-atas sa mga mananampalataya.

· Shaban - ang tawag sa ika-walong buwan ng Islamikong Kalendaryong lunar.

· Shirk – Salitang nagpapahiwatig ng pagtatambal sa Allah, o nagpapahiwatig ng katangiang banal maliban sa Allah, o paniniwala na ang lakas kapangyarihan, pinsala, at pagpapala ay nagmumula sa iba bukod sa Allah

· Sunnah - Ang katagang Sunnah ay may iba't ibang pagpapakahulugan batay sa larangan ng pag-aaral, gayunpaman ang kahulugan na karaniwang pinaniniwalaan o tinatanggap, anumang iniulat na sinabi, ginawa, at sinang-ayunan ng Propeta.

Paano natin malalaman kung ang gawaing pagsamba ay tunay na gawaing bidah?

3. Bilang ng pagsamba:
Innovations2.jpgIsa sa mga paraan upang matukoy natin ang pagkakaiba sa pagitan ng isang Sunnah at isang bidah ay batay sa dami ng bilang ng pagsamba. Kung ang isang tao ay nagpasyang magdasal ng limang rakah para sa salah ng dhuhr tunay na ito ay bidah. Batid natin na ang dasal na ito ay binubuo ng apat na unit o rakah; ito ang siyang isinabatas at itinakda at ang pagpapakilala ng karagdagang unit o rakah ay maituturing na makabago, bid'ah.

4. Pamamaraan ng pasasagawa ng pagsamba:
Isa pang paraan upang matukoy natin ang kaibahan ng anumang nagmumula sa Quran at Sunnah at nang Bid'ah ay sa pamamagitan ng pagsuri ng pamamaraan ng pagsasagawa. Yaon ay kung paano natin isinasagawa ang gawaing pagsamba, ito ba ay naaayon sa kung paano ito itinuro ng Islam, o tayo ba'y nagmalabis sa hangganan at nagdagdag ng anuman sa relihiyon na kung saan ay ginawang ganap na. Ang halimbawa nito ay ang pagsasagawa ng takdang paghuhugas o wudhu bago ang pagdarasal nang mali ang pagkakasunod sunod, tulad ng pasisimula sa paghuhugas ng paa sa halip na ito ay sa pagtatapos.

5. Takdang Oras ng Pagsamba:
Ang takdang oras kung kailan isinasagawa ang gawaing pagsamba ay mahalaga rin. Kung ang pagsamba ay isinagawa ayun sa turo ni Propeta Muhammad at sa takdang oras nito, samakatuwid ito ay tunay na makapagpapalugod sa ating Tagapaglikha. Datapwa't kung ang isang tao ay kanyang tangkain na baguhin ang tiyak na oras, samakatuwid, ang taong yaon ay nahuhulog sa kasalanan ng bidah. Halimbawa, ang pag-aalay (Pagkatay) ng tupa sa buwan ng Ramadhan na may layuning paghahangad ng gantimpala tulad ng gantimpala ng pag-aalay (pagkatay) ng tupa sa panahon ng Eid ul-Adha, samaktuwid ito ay maituturing na makabago o bidah.

6. Lugar ng Pagdarausan ng Pagdarasal:
Ang lugar kung saan isasagawa ang gawaing pagsamba ay marapat ding naaayon sa kung anu ang itinakda o isinabatas. Kapag, halimbawa ang isang tao ay magsasagawa ng Itikaf sa kanyang tahanan, katunayang ito ay hindi katanggap tanggap. Ang lugar na marapat pagdausan ng Itikaf ay ang Masjid, kaya't ang pagsasagawa nito sa kahit saang lugar maliban sa masjid ay maituturing na bidah.

Ang Talaan ng mga karaniwan at laganap na Makabago o Bidah
· Paghahangad ng tulong mula sa patay sa libingan.

· Pag-upo ng sama-sama at pagbigkas ng mga salitang naglalaman ng pag-alaala sa Allah, tulad ng Allahu Akbar ng sabay-sabay.

· Pagturing sa araw ng kapanganakan ng Propeta bilang isang Pista.

· Pag-ayuno sa ika labing limang araw ng Islamikong buwan ng Shaban at paggugol sa gabi nito sa pamamagitan ng pagsamba.

· Pagdiriwang para sa kaarawan ni Propeta Muhammad sumakanya nawa ang habag at pagpapala ng Allah.

· Pagbasa ng Quran upang makinabang ang patay (kasama na dito ang pagkuha ng tagabasa ng Quran).

· Paghaplos ng tubig sa batok sa tuwing nagsasagawa ng takdang paghuhugas o ablusyon.

· Paghahanda ng namatayan ng pagkain para sa mga bumibisita.

Anu ang “Mabuting bidah”?
May mga pagkakataon na makakarinig kayo ng isang bagay na kung tawagin ay ‘mabuting bidah’. Ayon kay Sheikh Ibn Uthaymeen, sumakanya nawa ang habag ng Allah, “… Walang ganoong bagay sa Islam (sa relihiyosong pagkaunawa) bilang mabuting bidah.”[1] Ang Sheikh ay nagbigay-diin din na “…tungkol sa karaniwang usapin sa kaugalian at asal, ito ay hindi matatawag na bidah (makabago) sa Islam, kahit na ito ay maaring ilarawan bilang ganoon sa alituntuning pang wika. Ngunit ito'y hindi bidah (makabago) sa relihiyosong pagkaunawa, at hindi ito ang mga bagay kung saan tayo ay binalaan ng Propeta laban dito ”. Bilang karagdagan sa mga nabanggit, ang pantas ng Islam na si Imam Ibn Rajab[2] ay nagsabi “anumang salita mula sa mga naunang matutuwid na mananampalataya na nagtuturing sa isang bagay bilang mabuting bidah ay tumutukoy sa lingguwistikong pagkaunawa at hindi sa islamikong pagkaunawa”.

Sa pagtatapos, ang bidah ay isang makabagong gawagawa na paniniwala at gawa sa Relihiyong Islam kung saan ang mapalapit sa Allah ang hangad mula rito ngunit wala itong matibay na patunay mula sa mapananaligang katibayan sa alinman sa pundasyon nito o sa pamamaraang ito ay isinasagawa.[3]

Talababa:
[1] Majmoo’ Fataawa Ibn ‘Uthaymeen, vol. 2, p. 291

[2] Si Ibn Rajab ay isang kilalang pantas noong ikaanim na siglo CE, mahusay sa maraming mga larangan ng Islam kabilang ang tafsir, hadith at fiqh.

[3] Ang kahulugan na ito ay hango mula sa Makabago sa liwanag ng Kaganapan ng Shariah ni Sheikh Muhammad ibn Salih al-Uthaymeen.

{quiz id=205}

Level 6 lesson 20 Mga pagbabago sa Islam (1 of 2)

2019-04-09T10:46:00+00:00

Mga pagbabago sa Islam (1 ng 2)

Dalawang uri ng Bidah

Deskripsyon: Isang maikling pambungad sa kahulugan ng salitang bidah at pagpapaliwanag kung bakit nararapat nating iwasan ang mga bagay na bagong ipinakikilala sa deen o relihiyon ng Islam.

Nai-publish sa17 Apr 2018-Huling binago sa11 Apr 2018

Kategorya: Mga Aralin > Mga Islamikong Paniniwala > Pakikitungo sa mga Sektang Iniuugnay sa Islam

Mga Layunin:

· Upang maintindihan ang kahulugan ng salitang bidah.

· Para maging malinaw na ang mga nangyayaring mga pagbabago sa mundo gaya ng ng sa teknilohiya at pang transportasyon ay hindi dapat na iwasan at layuan.

· Upang maging malinaw kung ano ang mga pagbabago (innovation) at hindi sa Islam.

Mga Terminolohiyang Arabik

· Bidah - mga pagbabago (innovation).

· Deen - Panuntunan o pamamaraan ng Buhay base sa Islamikong kapahayagan; ang kabuoan ng pananampalataya at pagsasabuhay ng mga muslim. Ang Deen ay karaniwang may pakahulugang pananampalataya o ang relihiyong Islam.

· Dhuhr - Ang pang tanghaling pagdarasal.

· Rakah - Bilang ng pagtayo sa pagdarasal .

· Rajab - Ang pangalan ng ika pitong buwan ng kalendaryong Islamiko.

· Shariah – Batas Islamiko.

· Sunnah - Ang salitang Sunnah ay may mga ilang kahulugan depende sa saklaw ng pinag-aaralan ganun pa man ang kahulugan nito na karaniwang tinatanggap o pinaniwalaan ay anumang naiulat na sinabi, ginawa at sinang-ayunan ni Propeta Muhammad.

Ang Bidah ay isang arabik na salita na nagmula sa salitang ugat na Al-Bada’ na ngangahulugang gumawa ng isang bagay na walang karapatan na gawin ito o manguna. Sa salitang Tagalog ay gagamitin natin ang salitang mga pagbabago. Bago natin ipagpatuloy ang pagtalakay sa bidah kailangan nating maintindihan ang dalawang uri ng bidah. Ang unang uri ng pagbabago ay ang mga bagay bagay patungkol sa ating buhay sa mundo, mga bagay gaya ng tiknolohiya, elektresidad, at trasportasyon ay maiu-ugnay sa kategoryang ito. Ang mga bagay na ito ay pinahihintulutan at sa isang banda ito ay katanggap tanggap. Ang isang uri ng pagbabago ay patungkol sa relihiyon o pagsamba, sa mga bagay patungkol sa relihiyon ang bidah ay hindi pinahihitulutan at isang napaka-delikado na magsagawa ng mga pagbabago sa ating relihiyon. At dahil sa itoy delikado mayroong binanggit na napakaraming mga kasabihan at mga tradisyon si Propeta Muhammad para tukuyin ito.

“Sinuman ang magdagdag o magbago sa aming mga sinabi na hindi namin ipinahintulot ay di katanggap-tanggap ”.[1]

ang pinakamainam na salita ay ang aklat ng Allah at ang pinakamainam na gabay at halimbawa ay ang kay Muhammad at ang pinakamasama sa lahat ng bagay ay ang mga makabagong inimbentong bagay (patungkol sa relihiyon), dahil bawat pagbabago sa relihiyon ay kamalian at kaligawan. ”[2]

“…Bawat pagbabago sa relihiyon ay dahilan ng pagkaligaw at bawat pagkaligaw ay sa apoy.”[3]

Ang deen ng Islam ay hindi nangangailangan ng mga pagbabago o bidah. Ang relihiyong Islam ay kompleto at walang dahilan para dagdagan o magimbento ng bagay patungkol sa relihiyon. ito ay pinatutunayan ng salita sa Quran “Sa araw na ito Aking ginawang ganap ang relihiyon para sa inyo, at ginawang lubos ang Aking pagpapala sa inyo at Aking pinili ang Islam bilang inyong deen” (Quran 5:3)

Kung ang isang tao ay magbabago o magdaragdag sa deen ng mga bagay na hindi dating kasama dito, siya ay nagpapahiwatig na ang relihiyon ay may kulang at nangangailangan pa ng iba para maging mabuti ito, o pagpapahiwatig na hindi kinumpleto at ginawang ganap ang kanyang relihiyon. Ito ay nagpapasinungaling sa mga talatang nasa itaas

Bakit importante na hindi tangkilikin ang bidah
Habang si Allah ay hindi nagpaparusa sa isang taong nagkamali dahil sa kawalan ng kaalaman sa kanyang nagawa, nararapat lamang na obligahin ang ating sarili na tayo ay matuto sa abot ng ating makakaya. Ang katotohanan na si Allah ay hindi tatanggap ng mga gawaing hindi tumutupad sa dalawang mga mahahalagang kondisyon. Ang unang kondisyon ay ang pagsasagawa ng isang bagay na may sinserong intensyon na malugod ang pinaka- makapangyarihang Allah. Ang pangalawang kondisyon ay ang mga bagay na gagawin ay alinsunod sa katuruan ng Quran at sa pinagtibay na Sunnah ni Propeta Muhammad. Ang mga gawa ay nararapat na sumusunod sa Sunnah at di sumasalungat dito.

Sa ganitong kaisipan, ating balikan muli ang kahulugan ng bidah. Ayun sa pakahulugan ito ay mga bagay na inimbento o gawang makabago, mga bagay na walang batayan at dahilan. Sa legal na paraan, ito ay pagdadagdag ng bago sa deen ng Allah. Kahit na ang aksyon ay ginawa na ang layunin ay para mapalapit o para sa pagsamba sa Allah hindi pa rin ito ito katanggap-tanggap. At ito ay kasalanan.

Paano natin malalaman kung ang isang gawain ay isang gawaing bidah?
Sa lahat ng pagkakataon ay maririnig natin na sinasabing ang Islam ay ang relihiyon na ipinaalam na karunungan. Nangangahulugan ito na ang mga naniniwala ay di dapat tumatanggap ng katuruan na basat-basta. Ang isang mananampalataya ay dapat mag-ukol ng panahon upang maunawaan ang mga bagay patungkol sa deen at siya ay dapat matutong magtanong patungkol sa mga gawa o kawikaan na walang sapat na katibayan. Kung ang isang tao ay mag-uukol ng panahon na matutunan ang islam magagawa niyang malaman kung ano ang sunnah na gawain at ano ang bidah.

Ang mga sumusunod ay ang anim na pamamaraan kung paano malalaman ang kaibahan ng Sunnah sa Bidah:

1. Ang gawang pagsamba na ini-uugnay sa dahilan o rason na hindi pa naman naisasabatas:
Hindi pinahihintulutan na mag-ugnay ng gawang pagsamba para sa anupaman o kadahilanan na hindi pinatutunayan ng Quran o ng mga mapapanaligang Sunnah ni Propeta Muhammad. Ang isang halimbawa nito ay ang paggising sa gabi at manalangin tuwing sasapit ang ikapitong araw sa Islamikong buwan ng Rajab dahil sa paniniwalang si propeta Muhammad ay naglakbay sa mga kalangitan sa gabing yaon. Ang gawaing pagdarasal sa gabi ay bagay na napagkasunduan sa islam na may sapat na ibedensiya sa Quran at Sunnah, ganun paman kung ito ay gagawin dahil sa rason na nabanggit sa taas ay lalabas itong bidah dahil ito ay ibinase at binuo sa rason na hindi napagtibay mula sa Shariah.

2. Uri ng pagsamba
isa ring kahalagahan na ang gawang pagsamba ay ayon sa Shariah sa larangan na ito. Kung ang isang tao ay sasamba sa Allah na ang gagawing pagsamba ay isang uri na hindi naisabatas (sa Islam) ay hindi tatanggapin. Halimbawa hindi tama na isakripisyo (katayin) ang kabayo. Ito ay isang bagay na maaring bidah, isang pagdaragdag na makabago sa deen. Ang mga pwedeng isakripisyo ay nilimitahan ng shariah ng Islam sa tupa, baka ,kambing at mga kamelyo.

Ating ipagpapatuloy ang ating pagtalakay patungkol sa bidah sa ikalawang bahagi ng pag-aaral sa pagsasaliksik sa ibang paraan para alamin ang kaibahan ng Sunnah at ng bidah at pagtatala ng ilang karaniwang bidahs na makikita natin araw-araw sa mga mosque at sa ilang mga Muslim sa buong mundo.

Talababa:
[1] Saheeh Bukhari, Saheeh Muslim

[2] Saheeh Muslim

[3] At Tirmidhi

{quiz id=204}

Level 6 lesson 19 Ang Eid ul-Adha mula A to Z (3 of 3)

2019-04-09T10:39:21+00:00

Ang Eid ul-Adha mula A to Z (3 of 3)

Deskripsyon: Ang mga Muslim ay nagdiriwang ng dalawang kapistahan: Eid ul-Fitr at Eid ul-Adha. Ang mga araling ito ay sumasaklaw sa lahat ng bagay na kailangan mong malaman tungkol sa Eid ul-Adha upang gawin itong isang bahagi ng iyong buhay at mabigyang lugod si Allah.

Nai-publish sa13 Apr 2018-Huling binago sa11 Apr 2018

Kategorya: Mga Aralin > Mga Gawaing Pagsamba > Mga Pagdiriwang

Mga Layunin:

· Upang matutunan ang dalawang pamamaraan sa pag-aalay ng pagdarasal ng Eid.

· Upang matutunan ang palitan ng mga pagbati sa Eid at tamang pagtugon dito.

· Upang maunawaan ang pitong mahalagang mga payo para sa isang 'Maligayang Eid'

Mga Terminolohiyang Arabik:

· Allahu Akbar – Si Allah ay ang Pinakadakila.

· Eid - kapistahan o pagdiriwang. Ang mga Muslim ay nagdiriwang ng dalawang relihiyosong mga pagdiriwang, na kilala bilang Eid-ul-Fitr (na nagaganap pagkatapos ng Ramadan) at Eid-ul-Adha (na nagaganap sa panahon ng Hajj).

· Eid Mubarak – pambating Eid na nangangahulugang 'Mapagpalang Eid.'

· Eid Saeed – pambating Eid na nangangahulugang 'Maligayang Eid.'

· Fatihah – ang pambungad na kabanata ng Qur'an na binabasa sa bawat rakah ng pagdarasal.

· Imam – isang taong namumuno sa pagdarasal.

· Rakah – yunit ng pagdarasal.

· Ruku’ - ang payukod na posisyon sa pagdarasal.

· Salat ul-Eid – dalawang yunit ng ritwal na pagdarasal na inaalay sa Eid.

· Takbir – pagsambit ng "Allahu Akbar".

· Takbiratul-Ihram – pagsasabi ng ‘Allahu Akbar’ na sinisimulan ang pagdarasal.

· Udhiyyah – ang pangsakripisyong hayop.

· Wajib – obligado.

Pamamaraan para Sa Pagdarasal ng Eid (Salat ul-Eid)
Ang pagdarasal ng Eid ay obligado (wajib). Ito ay binubuo ng dalawang rakahs, na may karagdagang takbirs (pagsasabi ng 'Allahu Akbar'). Ang karunungan sa likod ng mga pagdarasal ng Eid, tulad ng mga araw ng Eid mismo, ay para pasalamatan si Allah para sa Kanyang hindi mabilang na mga pagpapala. Ang imam ay magdarasal ng isa sa dalawang pamamaraan. Ipaliliwanag niya kung paano siya magdarasal bago ang simula ng pagdarasal:

1 PAMAMARAAN
Sa unang rakah ng pagdarasal ng Eid, ang imam ay mag-aalay ng 3 karagdagang takbirs pagkatapos ng Takbiratul-Ihram at pambungad na pagsusumamo subalit bago basahin ang Fatihah. Itaas ang iyong mga kamay sa bawat takbir, tulad ng ginagawa mo para sa Takbiratul-Ihram. Pagkatapos ng bawat takbir, hayaang ang mga kamay ay ipanatili sa mga gilid. Ilagay ang mga kamay nang magkasama pagkatapos ng ikatlo at huling takbir. Pagkatapos nito, ang natitira sa mga rakah ay pareho.

Sa ikalawang rakah ng pagdarasal ng Eid, ang Imam ay babasahin ang Fatihah at ilang bahagi ng Qur'an. Siya pagkatapos ay magsasabi ng 3 karagdagang takbirs. Ang mga ito ay tulad ng takbirs ng unang rakah, maliban sa iiwan mo ang iyong mga kamay sa iyong mga gilid pagkatapos ng ikatlong takbir. Matapos ang tatlong takbirs na ito ay nabigkas at nakumpleto, siya ay magsasabi ng takbir para sa pagsasagawa sa ruku, nang walang pagtataas ng kanyang mga kamay.

2 PAMAMARAAN
Tulad ng anumang pagdarasal, ang pagdarasal ay magsisimula sa Takbiratul-Ihram na sinusundan ng pambungad na pagsusumamo. Ito ay sinusundan ng 7 takbeers sa unang rakah at 5 karagdagang takbeers sa ikalawang rakah. Ang natitira sa pagdarasal ay tulad ng anumang iba pang pagdarasal.

Pagpapalitan ng mga Pagbati sa Eid ul-Adha
Ang kawalan ng kaalaman sa mga pagbating pumapaikot sa panahon ng Eid ay maaaring maging isang hindi komportableng karanasan. Ang hindi makipagpalitan ng anumang pagbati ay ganap na katanggap-tanggap sa Islam, subalit sa panlipunan ay nakakailang. Samakatuwid, ang kaalaman kung ano ang mga pagbati at ang nararapat na pagtugon dito ay makatutulong sa iyo sa panlipunang pagtanggap.

Ang mga tao mula sa India at Pakistan ay bumabati sa isa't isa sa pagsasabi ng "Eid Mubarak" (Mapagpalang Eid).

Ang mga Arabo ay maaaring magsabi ng "Eid Saeed" (Maligayang Eid) o 'kullu' aam wa antum bi-khair' (nawa'y ang bawat taon ay magdala sa iyo ng maayos na kalusugan).

Ang mga kasamahan ni Propeta Muhammad ay nagsasabi, 'taqabalallahu minna wa minkum' (Nawa'y si Allah ay tanggapin ito mula sa atin at mula sa inyo).

Lahat ng mga ito ay mainam. Tumugon lamang sa pamamagitan ng pag-uulit ng parehong pagbati pabalik! Magiging mainam kung ikaw ay ngingiti o humingi ng tulong sa pag-uulit pabalik ng mga salita.

Payo para sa Eid ul-Adha
1. Gawin ang araw ng Eid nang malaya sa trabaho o paaralan. Kung hindi mo magagawa, mangyaring gumawa ng mga pakikipag-ayos para sa pagliban kahit man lamang sa pagdarasal ng Eid.

2. Gumawa ng mga pakikipag-ayos para sa pangsakripisyong hayop nang maaga. Maaari kang sumama sa lokal na mga Muslim sa kabukiran o isang bahay katayan. Ito ay magiging isang karanasan na hindi mo malilimutan! Maaari ka ring magnais na kumatay ng hayop ng ikaw mismo o maaari kang magkaroon ng isang kapwa Muslim na gagawa nito para sa iyo. Maaari ka ring magpadala ng pera sa isang Islamikong kawanggawa upang gawin ito para sa iyo at sila ang magpapamahagi ng karne sa mga mahihirap. Para sa milyun-milyong mga Muslim ito lamang ang pagkakataon sa buong taong sila ay makakakain ng karne. Maaari mong matagpuan ang maraming mga kawang-gawa sa pamamagitan ng paghahanap sa online para sa "udhiyyah 2013 (o taon ng kasalukuyan)."

Kahit na paano para sa unang ilang mga taon pagkatapos tanggapin ang Islam, imumungkahi kong ipadala mo na lamang ang pera upang mapakain ang mga mahihirap na Muslim sa ibang bansa alinman sa pamamagitan ng iyong moske o isa sa mga online na Islamikong tumutulong na mga organisasyon. Maaari kang lumahok sa mga lokal na mga Muslim upang magkaroon ng karanasan kung nanaisin mo. Ang mga halaga ng paggawa ng udhiyyah sa ibang bansa ay mag-iiba batay sa kung saang bansang nais mong maisagawa ito. Ang ilang mga organisasyon ay nakalista sa ibaba, maaari kang makahanap ng maraming pang iba online:

http://www.irusa.org

http://icnarelief.org

www.zakat.org

3. Tawagan ang iyong lokal na moske o Islamikong tanggapan isang linggo bago ang Eid ul-Adha upang malaman ang oras at lugar kung saan ang pagdarasal ng Eid ul-Adha gaganapin. Pagkatapos ng pagdarasal ng Eid, mga etnikong matatamis at pagkain ay karaniwang inihahanda. Karamihan sa mga moske ay magpapakana ng hapunan ng Eid alinman sa gabi o sa loob ng susunod na ilang araw. Alamin kung kailan at kung nasaan ang mga ito at daluhan ito.

4. Huwag kang malungkot o makaramdam na naiiwanan. Gumawa ng mga pakikipag-ayos sa iyong Muslim na mga kaibigan o mga pamilya sa maagang panahon upang dalawin sila para sa Eid ul-Adha. Anyayahan ang Muslim na mga kaibigan at magluto para sa kanila. Kung hindi ka nakakapagluto, kumain kang kasama nila. Sikaping ibilang ang iyong mga di-Muslim na miyembro ng pamilya sa pamamagitan ng pagsasama sa kanila sa pagdarasal ng Eid kasama mo o hayaan silang dalawin ka para sa hapunan kasama ng iyong Muslim na mga kaibigan. Kakailanganin ng ilang pagpaplano. Gawin ito nang maaga. Mayroon kang apat na araw upang magdiwang!

5. Ang mga pamilya ay nagbibigay ng mga regalo sa mga bata sa Eid. Si Propeta Muhammad ay nagsabi: "Magpalitan ng regalo sa isa't isa, kayo ay magmamahalan sa isa't isa." (Bukhari, Al-Adab Al-Mufrad) Maaari mo ring naising magbigay ng mga regalo sa iyong di-Muslim at Muslim na mga miyembro ng pamilya at mga kaibigan.

6. Magboluntaryo sa araw ng Eid sa iyong lokal na moske. Sila ay mangangailangan ng mga boluntaryo para sa paradahan, pagsasaayos ng pagkain, paglilinis, mga gawaing pambata, at iba pa.

7. Magbihis para sa Eid. Bumili ng ilang mga bagong damit at maging nasa 'pagdiriwang' na kalagayan!

{quiz id=203}

Level 6 lesson 18 Ang Eid ul-Adha mula A to Z (2 of 3)

2019-04-09T10:19:46+00:00

Ang Eid ul-Adha mula A to Z (2 of 3)

Nai-publish sa13 Apr 2018-Huling binago sa11 Apr 2018

Kategorya: Mga Aralin > Mga Gawaing Pagsamba > Mga Pagdiriwang

Mga Layunin:

· Upang matutunan ang karunungan sa likod ng pagsasakripisyo ng hayop.

· Upang matutunan ang pangunahing mga patakaran ng udhiyyah.

· Upang matutunan ang 5 Sunnahs (iminumungkahing mga gawa) ni Propeta Muhammad na may kaugnayan sa Eid ul-Adha.

Mga Terminolohiyang Arabik:

· Adhan - isang Islamikong paraan ng pagtawag sa mga Muslim sa limang obligadong mga Pagdarasal.

· Eid ul-Adha – “Pista ng Sakripisyo”.

· Ghusl – ritwal na pagligo.

· Iqamah – Ang salitang ito ay tumutukoy sa pangalawang panawagan sa pagdarasal na ibinibigay kaagad bago ang pagdarasal ay magsimula.

· Khutbah – sermon.

· Rakah - yunit ng pagdarasal.

· Sunnah – Ang salitang Sunnah ay may maraming mga kahulugan sang-ayon sa larangan ng pag-aaral gayunpaman ang kahulugan ay pangkalahatang tinatanggap na, anumang iniulat na sinabi, ginawa, o pinayagan ng Propeta.

· Udhiyyah – ang pangsakripisyong hayop.

Pag-unawa sa Pag-aalay ng Hayop sa Eid ul-Adha
Ang pagsasakripisyo sa anak ay naging isang pagsubok sa pananampalataya ni Abraham. Upang gunitain at matandaan ang mga pagsubok ni Abraham, ang mga Muslim ay nagkakatay ng isang hayop tulad ng tupa, kamelyo, o kambing. Ang kasanayan ay madalas na maling nauunawaan ng mga nasa labas ng pananampalataya. Samakatuwid, ilang mga punto ang dapat na maunawaan dito:

Una, walang natatanging mga ritwal na kaugnay, malibang ang hayop na nakatutugon sa ilang mga kinakailangan. Ang hayop ay kinakatay sa parehong paraang ito ay kinakatay sa anumang oras sa taon. Ang pagkakaiba lamang ay nasa layunin. Para sa pangkaraniwang pagkatay, ang layunin ay ang karne, subalit para sa Eid ul-Adha, ito ay upang sambahin si Allah sa pamamagitan ng paggunita sa pagsubok ni Abraham.

Ikalawa, ang Pangalan ng Diyos ay sinasambit dahil si Allah ang nagbigay sa atin ng kapangyarihang higit sa mga hayop at pinahintulutan tayong kainin ang kanilang karne, subalit sa Kanyang Pangalan lamang. Sa pagsambit ng Pangalan ni Allah sa sandali ng pagkatay, ipinaaalala natin sa ating mga sariling kahit ang buhay ng isang hayop ay sagrado at maaari lamang nating kitilin ang buhay nito sa Pangalan ng Siyang nagbigay nito sa simula pa lamang.

Ikatlo, ang mabuting mga gawa ay nagtutubos para sa ating mga kasalanan. Ang pag-aalay ng udhiyyah ay isang gawang pagsamba na walang pagtatangi. Si Propeta Muhammad ay nagsabi na ang pinakamamahal na gawa sa Eid ul-Adha ay ang pag-aalay ng udhiyyah at ito ay darating sa Araw ng Pagkabuhay Muli na may mga sungay, baka na mga kuko, at balahibo. Ang dugo nito ay tinanggap na ni Allah bago pa ito umabot sa lupa. "Kaya magalak ang iyong puso dito." (Tirmidhi, Ibn Majah)

Mga Batas ng Udhiyyah para sa Eid ul-Adha
1) Uri ng Hayop
Ang isang tupa ay maaaring ialay bilang sakripisyo para sa isang tao o isang pamilya. "Sa panahon ng Sugo ni Allah, ang isang tao ay nagsasakripisyo ng isang tupa para sa kanyang sarili at sa mga miyembro ng kanyang sambahayan, at sila ay kakain mula dito at ipamimigay ang ilan sa iba."[1]

Ang isang kamelyo o baka ay sapat para sa pitong katao, dahil sa ulat na "Ang baka ay maisasakripisyo para sa pitong katao at ipinapamahagi namin ito."[2]

2) Gulang ng Hayop
Ang hayop ay dapat maging nasa natatanging gulang upang maging angkop para sa udhiyyah. Ang pinakamababang mga gulang ay:

a) 6 na buwan para sa isang kordero o tupa.

b) 1 taon para sa isang kambing.

c) 2 taon para sa isang baka.

d) 5 taon para sa isang kamelyo.

3) Mga Katangian ng Hayop
Ito ay kailangan maging malaya sa anumang mga kapansanan, sapagkat ang Propeta ay nagsabi,

"Mayroong apat na hindi karapat-dapat para sa sakripisyo:

a) ang iisang-matang hayop na ang depekto nito ay halata,

b) ang isang may sakit na hayop na ang sakit nito ay halata,

c) ang isang pilay na hayop na ang pagkapilay nito ay halata at

d) ang isang payat na hayop na walang bulalo sa kanyang mga buto."[3]

May mga bahagyang depektong hindi magtatanggi sa isang hayop, subalit hindi kanais-nais isakripisyo ang ganitong mga hayop tulad ng isang hayop na may sungay o taingang kakulangan, o may pingas sa tainga nito, atbp. Kung ang hayop ay kapon, ito ay hindi itinuturing na isang kapansanan.

4) Oras ng Sakripisyo
Dapat itong isakripisyo sa tukoy na panahon, na kung saan ang pagdarasal at khutbah ng Eid ul-Adha ay nagtapos na hanggang sa bago lumubog ang araw ng ika-13 araw ng Dhul-Hijjah. Ang Propeta ay nagsabi:

"Ang sinumang nagsakripisyo bago ang pagdarasal ay hayaan siyang ulitin ito."[4]

Ang karne mula sa sakripisyo ng Eid ul-Adha ay kinakain ng pamilya at mga kamag-anak, ipinamimigay sa mga kaibigan, at ipinagkakaloob sa mga mahihirap. Kinikilala nating ang lahat ng mga pagpapala ay nagmumula kay Allah, at dapat nating buksan ang ating mga puso at ibahagi sa iba.

Sunnahs (Iminumungkahing mga gawa) sa Eid al-Adha
Ang mga sumusunod ay ang iminumungkahing mga gawain na nagdadala ng karagdagang gantimpala sa Eid ul-Adha. Hindi na dapat mag-alala kung nakalimutan mo ang ilan, subalit subukang gawin ng higit na marami hangga't maaari upang malubos ang iyong gantimpala.

1. Ang Propeta ay nagsasagawa ng isang kumpletong ritwal na pagligo (ghusl) sa araw ng Eid.

2. Ang Propeta ay nagsusuot ng kanyang pinakamainam na mga damit upang dumalo sa pagdarasal ng Eid. Kapwa mga kalalakihan at mga kababaihan ay dapat sundin ang tama, wastong Islamikong pananamit kapag lumabas sila para sa pagdarasal ng Eid.

3. Ang Propeta ay kinukuha ang iba't ibang ruta para sa pagpunta at pagbalik mula sa pagdarasal ng Eid.

4. Ang isa pang sunnah (iminumungkahing gawain) ay ang sambitin ang kadakilaan ni Allah sa mga salitang ito:

Allahu akbar, Allahu akbar, la ilaha il-lal-lah, wa-Allahu akbar, Allahu akbar, wa lil-la hil-hamd

"Si Allah ay dakila, si Allah ay dakila, walang diyos maliban kay Allah, si Allah ay dakila, si Allah ay dakila, at ang lahat ng papuri ay kay Allah."

Ang mga ito ay sasambitin kapag lumalabas sa kanyang bahay patungo sa lugar ng pagdarasalan at hanggang sa dumating ang imam upang isagawa ang pagdarasal.

5. Sa Eid ul-Adha iminumungkahing huwag kumain ng kahit ano hanggang sa makabalik mula sa pagdarasal, kaya dapat siyang kumain mula sa udhiyyah kung nag-alay siya ng sakripisyo. Kung hindi siya nag-alay ng sakripisyo ay walang mali sa pagkain bago ang pagdarasal.

Pangunahing Kaayusan ng Pagdarasal ng Eid
Ang Propeta ay hindi nagsagawa ng anumang pagdarasal kaagad bago o pagkatapos ng pagdarasal ng Eid. Kung ang pagdarasal lamang ng Eid ay nasa isang moske, ikaw ay magdarasal ng dalawang rakah bago umupo.

Walang adhan o iqamah para sa pagdarasal ng Eid. Ang Propeta ay isasagawa ang pagdarasal muna na susundan ng sermon (khutbah).

Mga Talababa:
[1] Ibn Majah, Tirmidhi

[2] Saheeh Muslim

[3] Sahih al-Jami

[4] Saheeh Al-Bukhari, Saheeh Muslim

{quiz id=202}

Level 6 lesson 17 Eid ul-Adha mula A hanggang Z (1 of 3)

2019-03-27T07:58:06+00:00

Eid ul-Adha mula A hanggang Z (1 bahagi ng 3)

Deskripsyon: Ang mga Muslim ay nagdiriwang ng dalawang kapistahan: Eid ul-Fitr at Eid ul-Adha. Ang mga araling ito ay sasaklaw sa lahat ng bagay na kailangan mong malaman tungkol sa Eid ul-Adha upang gawin itong isang bahagi ng iyong buhay at bigyang lugod si Allah.

Nai-publish sa13 Apr 2018-Huling binago sa11 Apr 2018

Kategorya: Mga Aralin > Mga Gawaing Pagsamba > Mga Pagdiriwang

Mga Layunin:

· Upang matutunan ang ilang pangunahing mga katotohanan tungkol sa Eid ul-Adha.

· Upang matutunan ang tungkol sa al-Ayyam ul-Ashr (ang Sampung mga Araw) at ang kabuluhan nito.

· Upang matutunan ang tungkol sa Yaum ul-Arafah (Ang Araw ng Arafah) at ang kabuluhan nito.

· Upang matutunan ang tungkol sa kasaysayan at layunin ng Eid ul-Adha.

Mga Katagang Arabe:

· Du’a – pagsusumamo, pagdarasal, paghiling kay Allah ng anuman.

· Eid ul-Fitr – pagdiriwang ng Muslim sa katapusan ng Ramadan.

· Eid ul-Adha – "Pista ng Sakripisyo".

· Ramadan – Ang ika-siyam na buwan ng Islamikong kalendaryong lunar. Ito ang buwan kung saan ang ubligadong pag-aayuno ay itinagubilin.

· Dhul-Hijjah – ang pangalan ng ika-12 buwan ng Islamikong kalendaryong lunar.

· Yaum ul-Arafah – Araw ng Arafah kapag ang mga manlalakbay ay nagtipon sa isang lugar na tinatawag na Arafah.

· Halal – pinahihintulot.

· Al-Ayyam ul-Ashr – Ang Sampung mga Araw ng Islamikong buwan ng Dhul-Hijjah.

· Laylat al-Qadr – isang pinagpalang gabi sa huling sampung araw ng Ramadan, ang buwan ng pag-aayuno.

· SubhanAllah – Anong Sakdal ni Allah (kaperpekto), malayong inaalis si Allah mula sa di-kasakdalan.

· Alhamdulillah – Ang lahat ng papuri at pasasalamat ay ukol kay Allah. Sa pamamagitan ng pagsasabi nito tayo ay mapagpasalamat at ating kinikilalang ang lahat ng bagay ay mula kay Allah.

· Allahu Akbar – Si Allah ay pinakadakila.

Kung walang isang pamilyang Muslim, ang paghalili sa Pasko, Paskuwa, o iba pang relihiyosong mga pagdiriwang ay maaaring maging medyo isang pagbabago. Subalit, walang dapat ipag-alala. Ang unang hakbang upang makagawa ng isang pagbabago ay ang magbasa at matutunan ang tungkol sa isang paksa. Ang pangalawang payo ay ang sundin ang mga mungkahing ibinigay. Ikatlo, magsagawa ng du'a kay Allah, Siya sa katiyakan ay iyong makakatulong. Ang mga araling ito ay magtuturo sa iyo ng lahat ng bagay na iyong kakailanganing malaman kasama ang simpleng mga ideya upang maaari kang makakuha ng higit pa sa kahanga-hangang kapistahang ito at ganap na maranasan ang Islamikong pamumuhay.

Ang Pangunahing mga Katotohanan sa Eid ul-Adha
Ang Islam ay may dalawang magagandang mga pagdiriwang na magiging bahagi ng iyong buhay: ang Eid ul-Fitr at ang Eid ul-Adha. Ang ilang mga pangunahing katotohanan tungkol sa Eid ul-Adha:

· Binibigkas na EED-ul-ADHA, ito ay maaaring isalin bilang ang “Kapistahan ng Sakripisyo.”

· Ang Eid ul-Adha ay nakatali sa Hajj - ang paglalakbay sa banal na lungsod ng Meka na nagdadala ng 2 milyong mga Muslim bawat taon mula sa buong panig ng daigdig.

· Ang Eid ul-Adha ay tumatagal ng apat na araw. Sa kabilang dako, ang Eid ul-Fitr, na ipinagdiriwang sa pagtatapos ng Ramadan, ay isang araw na pagdiriwang.

· Sa Eid ul-Adha, maraming mga pamilyang Muslim ang nagsasakripisyo ng isang hayop at ibinabahagi ang karne sa mga mahihirap.

Alinsunod sa utos ni Allah ang parehong kapistahan ng Muslim ay ipinagdiriwang mula pa nang panahon ni Propeta Muhammad. Kaya ang mga ito ay mula kay Allah at mapananaligan. Walang tao ang nagpakana ng mga ito. Ano ang kanilang diwa? Ang ating Propeta ay nagsabi sa atin,

"May mga araw ng pagkain, pag-inom, at pag-alala kay Allah."[1]

Sa madaling salita, maaari nating tamasain at magkaroon ng halal, pangkalahatang kasiyahan ng hindi nakakalimutan ang ating Tagapaglikha.

Bago ang Eid ul-Adha
Tulad ng sinabi nang una, ang Eid ul-Adha ay nakatali sa Hajj. Ang pagsasagawa ng Hajj ay isa sa limang mga haligi ng Islam na isinasagawa sa ika-12 buwan ng Islamikong kalendaryong kilala bilang "Dhul-Hijjah." Ang Eid ul-Adha ay ipinagdiriwang ng mga Muslim sa buong daigdig sa ika-10 araw ng buwan ng Dhul -Hijjah. Ang unang sampung mga araw ng buwang ito ay may natatanging gantimpala. Sa Arabe, ito ay kilala bilang 'al-Ayyam ul-Ashr.' Ang panahon ng pagsamba ay nagdudulot ng maraming mga pakinabang, tulad ng pagkakataong itama ang kanyang mga pagkakamali at magpuno para sa mga pagkukulang o anumang bagay na maaaring kanyang napalampas.

Mga Kabutihan ng 'Sampung mga Araw'
Ang mga sumusunod ay ang limang mga kabutihan ng ‘al-Ayyam ul-Ashr’ (ang Sampung mga Araw):

1. Si Allah ay nagpahayag ng panunumpa sa pamamagitan ng mga ito sa Qur'an, at ang panunumpa sa pamamagitan ng isang bagay ay nagpapakita sa atin ng pinakamahalagang kabuluhan nito at tunay na pakinabang. Si Allah ay nagsabi:

"Sa pamamagitan ng bukang-liwayway; sa pamamagitan ng sampung mga gabi "(Qur'an 89:1-2)

Sa naunang mga kinauukulan ng Qur'an ay ipinaliwanag na ang talatang ito ay tumutukoy sa unang sampung araw ng Dhul-Hijjah.

2. Upang higit pang mahikayat tayo ng kahalagahan nito, ang Propeta ay nagpatotoong ang mga ito ay ang "pinakamainam" na mga araw sa daigdig. Ang Sampung mga Araw ay higit na mainam kaysa sa lahat ng iba pang mga araw ng taon, nang walang mga pagtatangi, hindi rin ang huling sampung mga araw ng Ramadan! Subalit ang huling sampung mga gabi ng Ramadan ay higit na mainam, dahil kabilang dito ang Laylat al-Qadr ("ang Gabi ng Kapasyahan").

3. Walang mga araw na higit na dakila sa paningin ni Allah na kung saan ang mabubuting gawain ay higit na kamahal-mahal sa Kanya kaysa sa sampung mga araw na ito, kaya ang isang Muslim ay dapat dalasan ang pagsasabi ng "SubhanAllah", "Alhamdulillah" at "Allahu Akbar" sa panahong ito.

4. Ang sampung mga Araw ay kabilang ang mga araw ng sakripisyo at Hajj.

5. Ang ika-9 na araw ng Dhul-Hijjah ay tinatawag na 'Yaum ul Arafah' (Ang Araw ng Arafah). Ito ang araw na ang mga manlalakbay ay nagtitipon sa kapatagan ng Arafah, anim na milya ang layo mula sa Meka. Ang Araw ng Arafah mismo ay may maraming mga kabutihan.

Mga Kabutihan At mga Kasanayan sa Araw ng Arafah
1. Ang Yaum al-Arafah ay ang araw kung saan si Allah ay ginawang ganap ang relihiyong Islam.

2. Ang Yaum al-Arafah ay isa sa pinakamalaking pagtitipon saan mang lugar sa daigdig.

3. Ang Yaum al-Arafah ay isang araw kung saan ang mga pagdarasal ay tinutugon. Ang isa sa mga kaugalian ng pagdarasal sa araw na ito ay ang pagtaas ng mga kamay tulad nang ang Sugo ni Allah ay nagsagawa ng du'a sa Arafah, ang kanyang mga kamay ay itinaas hanggang sa kanyang dibdib (Abu Daud).

4. Iminumungkahing mag-ayuno sa araw ng Arafah para sa mga hindi nagsasagawa ng Hajj. Ang propeta ay nagsabi,

"Ang pag-aayuno sa araw ng Arafah ay isang pagtatakip sa loob ng dalawang taon, ang taong nauna dito at ang taon na sumusunod dito."[2]

"Subalit para sa mga manlalakbay ay hindi kanais-nais ang mag-ayuno sa araw ng Arafah sa Arafah gaya na ang Sugo ni Allah ay sinabihan."[3]

Kung nais mong mag-alay ng sakripisyo o ipagawa ito para sa iyo, dapat mong ihinto ang pagputol ng iyong buhok at mga kuko mula sa simula ng Sampung Araw hanggang matapos mong maihandog ang iyong sakripisyo o inialay para sa iyo.

Kasaysayan at Layunin ng Eid ul-Adha
Ang kasaysayan ng Eid ul-Adha ay bumabalik pa sa panahon ni Propetang Abraham, isang pangunahing pigura sa Hudaismo, Kristiyanidad, at Islam. Ang Eid al-Adha ay nagpapaalaala sa dakilang pangyayari nang utusan ni Allah si Abraham sa isang panaginip na isakripisyo ang kanyang anak bilang isang gawang pagsunod.

"At, nang siya [ang kanyang anak] ay sapat na ang gulang upang lumakad kasama niya, sinabi niya, 'O anak ko! Nakita ko sa isang panaginip na inaalay kita, kaya ano ang masasabi mo! 'Sabi niya,' O aking ama! Gawin mo kung ano ang iniutos sa iyo, kung nais ni Allah, masusumpungan mo akong matiisin. '"(Qur'an 37:102)

Nang isasasakripisyo na ni Abraham ang kanyang anak, si Allah ay nagpahayag sa kanya na ang kanyang "sakripisyo" ay natupad na. Ipinakita niya na ang kanyang pagmamahal para sa kanyang Panginoon ay hinalinhan ang lahat ng iba pang uri ng pagmamahal, na siya ay gagawa ng anumang sakripisyo upang sumuko kay Allah. Isang bersyon ng kasaysayan ay lumitaw din sa Lumang Tipan ng Bibliya.

Ang ilang mga tao ay nalilito kung bakit inutusan ni Allah si Abraham na katayin ang kanyang sariling anak. Ang kilalang klasikal na Islamikong iskolar, na si Ibn al-Qayyim ay ipinaliwanag, "ang layunin ay hindi para katayin ni Abraham ang kanyang anak; sa halip ito ay upang isakripisyo siya na sa kanyang puso ang lahat ng pag-ibig ay pagmamay-ari ni Allah lamang.

Kaya, ito ay isang bahagi ng ating tradisyon na sa panahon ng pinagpalang Sampung Araw ng Dhul-Hijjah at sa araw ng Eid ul-Adha ay ginugunita natin ang sakripisyo ni Abraham. Sinasalamin natin kung ano ang nagdala sa kanya bilang isang malakas na mananampalataya at isa sa kamahal-mahal kay Allah, siyang pinagpala ni Allah at ginawang pinuno ng lahat ng mga bansa upang sundin.

Mga Talababa:
[1] Saheeh Al-Bukhari

[2] Saheeh Muslim

[3] Abu Daud

{quiz id=201}